我在黑社會的日子I～＜完＞

fgh14798

最仆街係菊花

Ｓａｖ＿月

我覺得刀疤遲d會同波波合作

~傳說中的傻仔︻

咁唔係話合作   黑社會世界入面   唔會有朋友  亦都唔會有敵人

好多時都錢字行頭...好難講刀疤合作之後順手攪正埋阿波...

~傳說中的傻仔︻

第五話:

王子按一按眼鏡,然後便說下去,

「黎呢度既前一個禮拜,『謝記』個邊好似有d亂,

聽人講係因為『盛聯』想食埋謝記,本身謝記係由三班人話事,

而振安就係最有影響力個班既話事人,但係聽人講大會投票個晚振安無出現到,

所以『謝記』最終2比0讚成同『盛聯』合併,唔知呢單野關唔關火柴上位事.」

王子說到這裡,我已經想像到極有可能是火柴從中作梗,

「咁唔怪得刀疤好似有d野啦...」

(刀疤可能知道d野,番香港一定要搵佢問清楚.)

「咁火柴...」

「犀牛,唔好再傾單野,畢竟係人地家事.」

我阻止犀牛說下去,因為我們毫無證據,

加上又是謝記的私事,這事情亦沒有再討論下去的意義.

「砰!砰!」

大門突然突大力拍動,我們立刻警覺起來,

「唔係又黎第二批掛...」

我們正想拿起鋼刀時,王子卻好像恍然大悟似的要我們放下武器,

「波哥,自己友黎.」

「自己友...?」

「一陣你就知.」

既然王子說是朋友,我們只好在大廳等著.




不一會兒,王子帶著一個充滿火爆氣息的年青人回來,

看上去他雙眼充滿殺氣,高度亦與我差不多,

體格強壯,左耳上並帶了三隻耳環,一看便與『黑道』二字脫不了關係.

「仲唔同阿公打招呼.」

王子一語說出,我們眾人無不大驚,

「阿公飲茶!」

這名年青人立刻倒了一杯茶,並跪下向我遞來,

「喂,起身先.」

我接過茶便扶起這名年青人,然後用疑惑的眼神看著王子,

「王子,咩料呀?」

「波哥唔好怪我,呢條友仔係我之前女朋友既細佬黎;

佢個時知我係香港跟左你,而且撈得唔錯,所以一早想立定決心想跟你,

但係之前未有時間,而家見黎到呢度,就順便帶佢黎見下波哥,希望波哥可以收埋佢啦.」

(哦...原來想我賣個人情比你前度...)

王子像明白我想什麼,立刻露出一個苦笑,

「你叫咩名?」

「我叫關世昭!」

「做咩想跟我?」





關世昭有點緊張,說起話來也有點口窒,

「我..我..因為我想闖一番事業...所..所以想跟波哥你.」

「哈哈,你見我而家折墮到要著草,仲想跟我?」

「我唔知你折唔折墮,我剩係連王子哥都讚你係好大佬,我就一定要跟你!!」

王子有點不知所措,

「唔關我事架波哥,係佢自細就當我係大佬,我無收靚架.」

「你憑咩唔會整臭『華興』個朵?」

對我來說『華興』二字很重要,我對於招收手下也有一定的準則,

不是任何流氓道友我也會接收,所以在『華興』裡我亦是最少手下的一名大底.

關世昭聽到我的問題後,便想了一想,

然後便把上衣脫去,渾身的傷疤多得使我有點驚訝.

「之前我成日比灰蛇班人打,佢地要我跪係度,我死都唔跪,

就算佢一刀插埋黎,我亦都係企係度硬食,憑呢點我肯定唔會整臭『華興』個朵!」

我看著他腹部有一道特別大的傷疤,看來他所言非虛;

「波哥,呢條靚仔好硬頸架,佢應該唔會咁衰仔整臭我地牌頭既,諗諗佢啦.」

我看一看浩飛三人,想聽一聽他們的意見,

「你地點睇?」

「波哥,你鍾意點咪點,我地實撐你.」

「嗯,睇條靚仔都好似幾打得,應該幾做得野.」

「成副格都係忠忠直直,應該唔會反骨既.」




三人對他的評價也是不錯,我低著頭想了一想,

(而家『華興』咁岩要用人,睇條靚仔都係幾做得野,

加上又係王子介紹,應該唔會差得去邊,做事上黎應該都好方便.)

我噴了數個煙圈,關世昭卻一副緊張的模樣,

「關世昭呀嘛?」

「係!」

「今日開始你跟我凌成波,有人攪事你響我朵,

但係唔好亂咁用我個朵惹事生非,係咁意收你封老毛,以後你就係我兄弟.」

經過一番思量後,我決定把關世昭作為我第五個近身手下,

關世昭聽到我的決定後,高興得露出笑容,

「唔好咁開心住,我有野想講.」

「聽下波哥有咩訓示先.」

「黑道從來都係在刀鋒口上面過日子,少一d本事便會無左條命,

但係咁危險的道路上面,永遠都有優厚既金錢作為回報,

金錢同埋生命兩者之間一但選錯,就會萬劫不復.....你明唔明?」

「收到,大佬.」

關世昭從衣袋裡拿出一個利是封,然後便把它遞給我,

「仲企係度,一齊坐啦.」

其他人也高興起來,畢竟多了一名戰友,而我也不禁露出笑容.

(唔知幾個月後,我地仲係唔係可以一齊咁開心坐係度吹水呢...)

儘管不知道將來的日子會如何,但在這刻我們卻慶幸仍然活著,

活著多好呀....對嗎?

(待續)

Ｓａｖ＿月

關世昭,條友唔知遲D打唔打得既呢

thchan96

可能關世昭係食腦唔洗打

~傳說中的傻仔︻

細昭正正係打仔角色黎=.=

NotsWater

咁細昭有冇波哥咁勁先。
最好作到細昭一打十，最後為左保護波哥，連到100槍，入左廠，大難不死。

鋼牙章魚丸

浩飛當年都唔打得啦
宜家???

~傳說中的傻仔︻

招人:http://www.2000fun.com/bbs/viewt ... &extra=page%3D1

第六話:

晚上十一時半,眾人已經在我三個月前來到的那個沙灘等待,

看看沒有變化的月亮,好像還未習慣要離開這個鄉村的感覺,

(三個月...話咁快就過左去...)

人很多時不留意時光的流逝,在你要面對的一刻才會驚覺浪費了很多的光陰,

而我也是其中一個,彷彿是在昨天才加入黑道,

但是看看身邊增加的兄弟,才意識到這是現實,

面對最困難的現實是我現在的目標,儘管這是不是我能夠克服.

「點呀王子.」

王子剛剛才到達,我立刻詢問詳情,

「灰蛇應承轉批貨比我地,佢話三個字之後就會送埋你同浩飛上船,

因為你地係無證離境,好彩班皇氣仲未刮到你地,

所以只要及時番到香港浦頭就可以呃班友.」

王子過去按著細昭的肩膀,

「同你家姐講左未.」

「嗯,我準備好.」

「gd,咁你一陣同埋波哥佢地上船.」

「收到.」

看來細昭跟隨我的決心很大,要冒著非法入境的危機也要一起前往香港.





「哥哥,你地去邊呀.」

一聲小朋友的聲音從身後響起,我趕忙轉身看看是誰,

來者正是薯頭一家人,說話的是薯頭的兒子--小丙,

「喂,咁夜仲唔訓教.」

我抱起小丙,他那胖胖的面孔更突顯他的可愛,

「爸爸話你地要走,無人陪我玩,你地唔好走啦.」

浩飛也過來摸著小丙的頭,

「我地唔走唔得呀,我地要番香港打大佬呀.」

「打完大佬,你地會唔會番黎架.」

「哈哈,你想呢?」

我把小丙交給浩飛抱著,然後便走向薯頭處,

「薯頭哥,呢三個月多謝你睇住我地.」

「唔好咁講,你都幫我地向灰蛇出番口氣啦;

聽王子講你今次番去都可能好危險,不如......?」

我料到薯頭的勸告,所以立刻拒絕,

「我知你想講乜,不過係呢個圈子唔係話走就走......」

「咁又係,不過我其實睇得出你有咁既念頭,如果攪掂呢單野,不如諗諗佢;

同埋得閒既咪黎探下我地,小丙成日都話想跟你學功夫.」

「我會架啦,你自己都睇住.」

我與薯頭握著手,傳達對彼此的關懷.





「波哥,上船啦!」

王子過來叫喚我上船,是時候離開這個我呆了三個月的地方了.

我慢慢走上船,每一步都好像充滿不捨與猶豫,

(走唔走呢?我唔走既話就可以脫離黑道,我唔係想脫離咩!?)

我突然停著步伐,站著考慮這個困擾我很久的想法,

「波哥做乜呀?」

浩飛在身後奇怪我突然倒下,細昭也是如此,

「波哥,你唔舒服?」

(唔走...走...唔走...走...)

我腦袋為著這個問題不斷轉動,雙腿卻相反地像針似般插緊在地上,

「哥哥!!」

小丙的聲音從遠處傳來,直陷入我的耳內,

看著他那稚氣的樣子,更加誘使我留下,

(我...唔走啦...我想留係度同薯頭一家人生活...)

我雙腿不自覺向後退,大家都有點驚訝我在幹什麼.

「波哥,你做乜呀!?」

「波哥,你漏左野未拎?」

兩把聲音從小丙旁發出,是犀牛與billy在說話.





犀牛與billy,一個為了我而被槍傷左腿,

一個為了我整隻手被斬斷,這個內疚感瞬間使我清醒過來,

(我點可以咁自私!!犀牛同billy為左我而攪成咁,

我唔可以為左自己而令兄弟白白浪費佢地既心血.)

因為二人的聲音,使我馬上除去自己的猶豫,

「呀...我以為個偷聽器漏左,原來係度...」

我立刻編了一個謊言,眾人也好像相信,唯獨王子好像露出一個奇怪的表情.

我再次快速地上船,「轟...轟....」

馬達開始動起來,我站在船頭上看著薯頭等人,心頭卻湧起異樣的想法.

(或者等今次既危機過左去,我先有資格去追度呢d平凡既生活...)

「順風呀!!」

薯頭在沙灘上大聲叫喊,我亦向他揮揮手作出回應;

而在不遠處的樹林裡,我卻看見一個熟悉的身影,

我一看之下便認出他是誰---皇龍,只見他倚著樹木看著我,

我向他點頭,而他這時在面上露出一個微笑便離去,

(放心啦皇龍叔,我會幫你帶龍仁番去佢應該到既地方.)

「波哥,香港見!!」王子等三人在岸邊揮著手向我道別.

「轟隆...」

船慢慢開動,看著岸邊等人縮小的身影,

代表我要離開這個暫時的安樂居,重新回到我出生的地方---香港!

(待續)

~傳說中的傻仔︻

呢幾期可能會悶d...因為要交待阿波佢地番香港=.=

下期開始會踏入最終大戰既既範圍   請繼續期待啦

NotsWater

其實皇龍叔係唔係旺角啊伯？

鋼牙章魚丸

正啊 章魚哥快d出黎

Ｓａｖ＿月

霍驚天快出來吧

thchan96

掛住偉哥.....(迷之聲:死左la!無得返生......

~傳說中的傻仔︻

作者感想:

大家都係香港人   對於菲律賓既香港人遇難  個心覺得好痛

希望大家都可以懷住一顆真誠既心   希望佢地可以安息啦

一路好走呀!!!   遇難既家屬   你地要堅強咁生活落去呀!!!

ps:今篇我會用紅色  黎表達我對遇難者既悲傷

                                                   

第七話:

偷聽器不斷在我的手指隙縫間轉來轉去,無聊的我站在船頭中思考著,

(而家番去第一件事就要搵強哥,同佢講我之前係比菊花屈,

再用偷聽器證明菊花係因為反骨而自己攪個『盛聯』出黎,

我就唔撚信你係基佬呢單野唔攪到你一身蟻,菊花!!)

我的手不自覺地緊握著偷聽器,而且堅信著阿偉還在附近與我一起戰鬥,

(阿偉...唉....)

他拼命所獲得的情報,我是不會白白浪費的.

「波哥,飲唔飲?」

浩飛拿著一枝蒸餾水給我,我拿起來便喝,

細昭則在看著一箱又一箱的炸藥,似乎對這些很感興趣.

「呢d炸藥全部都係首飾黎既...?」

我過去與他一起看著這些炸藥,心中卻好像有點無可奈何,

當日炸藥救了我一命,但是炸藥卻奪去了我好兄弟的生命;

就好像走入黑社會能夠賺取大量金錢,可是隨時卻賠上了性命;

『刀無兩邊利』,一邊有得另一邊必有失,

這不但是在黑道中混下去的法則,更是每個人生存應該提醒自己的道理,

我亦不例外,為著未來的大事開始計算著得失.

「浩飛,幾耐到會到香港?」

「三個鍾就會到啦,你入去抖下先啦,波哥.」

只見細昭一副正經的樣子看著我倆交談,這也是一名黑道新手應該擺出的表情吧.





「波哥.」

細昭走過來想對我說點什麼,

「嗯?」

但他抓抓頭髮,好像有點不記得想說什麼,

「點呀,係唔係覺得黑社會唔簡單.」

「係呀,波哥,原來同做戲講既好似.」

(做戲...差好撚遠...)

我露出一個冷笑,細昭卻是不明所以,

「傻仔,你係想撈落去,就唔好咁天真,做戲同埋現實差好遠架.」

「明啦飛哥,我實會記低,唔係第日點發圍.」

「咁快就諗發圍,你真係唔撚識死.」

浩飛用著前輩的語氣教導細昭,使我開始感覺到自己更是成長,

看著他們二人,就好像看著以前的我與阿偉,

我們兩人總是在鬥氣,而且更是不怕死,

不知不覺我亦由當天的小伙子變成眾人的老大,

一人又一人的跟隨自己,我忽然間覺得自己的責任大了很多,

他們的是生是死很直接是自己所造成,在這一刻我心中默默起了一個誓言:

『只要你地一日跟住我,我就唔會比你地有事.』

然而這些無根據的誓言是有效嗎,我自己也不知道.






兩小時後,浩飛走進倉內搖晃著我的身體,

「波哥,波哥.」

「嗯..?到啦?」

「係呀...我地出去睇下先,好似有人黎接我地呀.」

「嗯..行啦.」

「洗唔洗叫醒埋細昭?」

看著細昭睡得入夢的樣子,也懶得叫醒他一起出去,

「唔洗啦,我地行啦.」

我擦一擦佈滿紅絲的眼睛,便跟著浩飛走出去,

「啪..勒!!」

豈知我一腳踏錯,把椅子也踢翻,

「小心呀波哥.」

「無事.」

浩飛扶緊我,我揮手示意無事便再走出船頭;

站在船頭享受到海風時,浩飛對我說,

「睇下前面既燈,離我地愈黎愈近,而且你睇下帶頭個人.」

浩飛把望遠鏡給我,我拿起來看看誰是來者,

「佢咪係肥怪,睇黎係接我地,王子仲話到左先再接應我地,而家咪有人lor.」

肥怪是『華興』其中的一名大底,之前也有數面之緣.

「睇黎佢地想接我地wo,王子哥真係安排哂d野.」

我也點頭附和,想起很快便能回到老地方、心頭也不禁一寬.






眼見船隻愈來愈近,肥怪的面孔也愈來愈清楚,

只見他好像在手舞足動,整個模樣也好像很興奮似的,

「嗯...」

細昭的聲音從身後響起,他應該是被我剛才的踢翻的椅子弄醒,

「波哥,前面隻船..?」

「隻船係『華興』黎接我地架,王子仲話先去南丫島,想過我地一棟.」

浩飛回答,細昭便走來船頭看清楚.

(王子不嬲唔會做無謂野...但係前面的確又係肥怪,件事好似有d怪,又唔知有咩怪...)

我心中忽發奇想,但是又找不出事情有什麼奇怪,

也只好先壓下來,靜待局勢的變化.

「呀!」

細昭突破大叫一聲,我們二人都被他嚇了一跳,

「你叫乜春呀,想嚇死人咩.」

細昭卻是摸著頭腦,像想起什麼似的,

「我記得啦!!」

我看著細昭,船隻亦愈來愈接近前方的船隻,

「我記得我頭先想講乜啦!!王子哥話唔會有人黎接我地架,

因為我地番香港單野得強哥同佢地幾條友知,如果有人黎接我地,

佢就肯定係做低波哥你!!」

(待續)

[ 本帖最後由 ~傳說中的傻仔︻ 於 10-8-25 06:36 PM 編輯 ]

davidcks

始終依家華興個個人都當波哥25仔

johnchc

我個將軍幾時先出黎,其待....

fgh14798

細昭記性

davidcks

細昭 浩飛 位置相同 記憶激低 打手體格卻2打6位 記王子講野真係有咁難?