- 閱讀權限
- 50
- 最後登錄
- 20-10-9
- 精華
- 5
- UID
- 222997
- 帖子
- 2231
- 積分
- 3237
- 註冊時間
- 04-7-9
- 在線時間
- 1416 小時
- UID
- 222997
- 帖子
- 2231
- 積分
- 3237
- Good
- 272
- 註冊時間
- 04-7-9
- 在線時間
- 1416 小時
|
第九話:
船隻因放置大量爆炸品,一經點燃後所有炸藥也被引爆,
衝擊力強得連我們的大飛也差得反轉,望回船隻時像看見火龍正在舞動,
爆炸聲不斷、煙霧向外擴散、一下一下的爆炸聲不斷響起,
「轟...轟...轟!!」
眾人也心驚膽顫,只懂得呆看著被火焰吞噬的船隻,
「波哥,如果我地頭先走遲半秒...」
浩飛也心有餘悸,連語氣也變得有得頓起來,
「無事既...」
我外表看來好像沒有什麼事,但其實心底也很害怕命絕於剛才的爆炸,
誰說小混混是『天不怕、地不怕』,死亡便是我們最怕的事情.
「波哥,咁我地而家去邊...」
細昭提出問題重點,船隻被爆、我們坐著這架大飛去那裡好呢?
「嗯...王子頭先講過去南丫島會合左先,去南丫島啦.」
但我們剛才失去航行方向,一時之間不知道南丫島在什麼方位,
「咁係邊個方向...」
(中國係香港既北面,落番去應該向南行...)
我拿著指南針找出南面所在,然後便向浩飛說,
「行呢邊.」
「收到.」
我們一行三人,便坐著大飛向南丫島前進.
「細昭,無事呀嘛.」
細昭剛才便遇上踏入黑道後第一次挑戰,我當然要關心一下他的情況,
「無事,我頭先差d就收兩條友既皮;如果唔係愈黎愈多人,我諗我地會贏.」
細昭的眼神很堅定,剛才明明我們處於下風、但他竟然有著非一般的鬥志,
這點實在令我很欣賞這新來的手下,「嘿,唔錯呀,愈打愈有.」
「波哥,連肥怪咁既大底都過左檔,睇黎菊花真係有一手.」
浩飛不忙搭上咀,我也為著菊花變強悍的事實感到煩憂,
「我而家反而擔心『華興』夠唔夠人用;好彩唔止強哥一個人,仲有老頂呢個靠山頂住.」
「係呀,好彩老頂夠power,『華興』咁堅都係靠佢.」
浩飛讚同我的說話,細昭便詢問起來,
「我地老頂係邊個黎架?」
細昭一邊點燃香煙,一邊把手掌放在船邊享受著浪花的衝擊,
「你岩岩黎,仲未有時間同你講清楚;我地老頂叫做佳哥,後生個時靠打出哂位,
亦都係兩大『雙花紅棍』之一,係佢一手一腳攪好『華興』.」
「嘩...睇黎老頂真係幾有料.」
「做得老頂唔止有料啦,仲要有成班兄弟支持,佢好信任四個話事人既,
只不過菊花呢條仆街養唔熟,而家竟然想咬番佳哥,肯定比佳哥收皮.」
我把剩餘的煙頭彈走,很快便沉沒有漆黑的大海裡,
「菊花...咩人黎架?」
我看還有時間,便索性解釋我們的情況給予細昭聽,也好令他更了解『華興』.
個多小時後,浩飛告訴我們差不多到達南丫島,
但附近突然有些船隻把燈光射向我們,
「前面既船,你地已經非法進入香港海域,請馬上停駛!」
「仆街,係海關!伏低頭,浩飛開爆個turbo衝前!」
「知道!」
原來是數隻海關的船隻發現我們非法入境,我們只好加速逃命,
只見他們的船愈來愈靠近我們,我心愈是焦急,
「開快d,浩飛!」
「最快架啦,波哥.」
「屌,準備隨時跳船!」
這個時候,細昭忽然向我遞來一樣東西,
「波哥,呢個我頭先係船到偷出黎,你睇下有無用.」
他拿著的是一條頸飾,但它其實是一枚炸藥,
「係炸藥,快d炸柒佢地!!」
細昭對著頸飾卻六神無主,不知道怎麼使用,
「我唔識用呀,波哥.」
「比我!」
我接過細昭的炸藥後,回憶當日阿偉怎麼使用這些炸藥
快速地扭開頸飾的外殼,然後把它拋去追擊我們船隻的方向.
「轟隆!!」
炸藥完全命中目標,船隻馬上冒火散煙、他們頓時失去方寸,
我們借機拼命向前衝,很快地便擺脫了海關的追捕.
「好彩...」
(阿偉,你又救左我一命..)
「到啦,波哥.」
我看看前方,一個港式風味十足的小島呈現在眼前,
雖然是凌晨時間,但仍有不少大排檔在營業,更能方便我們『醫肚』,
(終於番到香港啦...)
「快d落船啦,廢事一陣海關追到黎走唔切.」
我們快速地下船,並踏足南丫島的土地.
「咁我地而走去邊呀.」
「食野先啦,餓到死.」
浩飛與細昭十分同意我的做法,急不及待跑向大排檔坐下,
「係咁多先.」
點完菜後,我們正在等候食物來時、有一名女子突然坐下來,
「你邊位呀小姐.」
浩飛才剛把頭轉向這位女士,一下銀光急攻向他的雙眼,
幸好浩飛反應敏捷,把整個身體退後靠避過疾刺,
銀光是兩把小刀、小刀是被一對光滑的手握著、而這對手的主人便是眼前的女人,
我驚覺不妥時,身旁早已站滿了人、我們正被包圍!!
(待續) |
|
樓主: ~傳說中的傻仔︻
發表於 10-8-30 01:07 PM
作者你要死人就死人吧,無後路出第二集就無後路吧
發表於 10-9-1 08:56 PM
