感情煩惱、疑問、聊天室~ 有問題歡迎提出~ (#1有小弟寫既戀愛技巧 可睇完再問)

大餅^0^

原帖由 ~傳說中的傻仔︻ 於 10-12-21 10:28 PM 發表



咁你想繼續忍受冷淡?  定係想搵出真相呢?

無任何事有絕對把握     但係我覺得佢其實之前對你印象唔錯

可能係某件事情先令佢既態度開始轉變     唔通你唔想知道咩事?

我覺得你可以一問   

如果佢仲 ...

答案原來只係我諗多左, 佢果幾日只係太忙燥左小小姐, 琴晚佢重主動搵我傾計TIM

今日重收到一份佢DIY既聖誕禮物TIM, 你覺得我聽日OR後日約唔約佢出黎過聖誕好??

~傳說中的傻仔︻

原帖由 大餅^0^ 於 10-12-23 06:43 PM 發表


答案原來只係我諗多左, 佢果幾日只係太忙燥左小小姐, 琴晚佢重主動搵我傾計TIM

今日重收到一份佢DIY既聖誕禮物TIM, 你覺得我聽日OR後日約唔約佢出黎過聖誕好??

約啦     diy禮物都肯整比你

證明你係佢心目中都佔有幾重既份量     係聖誕節約佢出黎暢遊一番啦

一黎可以加深大家既關係      二黎可以令佢對你提高好感

祝你成功~

Knight_雲冷

原帖由 justinma07 於 10-12-23 06:04 PM 發表


就是想跟她出街時表白
失敗後不能說走便走,對吧(汗

嘛……

個人感覺上送佢番屋企 自己預下時間

講完 比完反應 得就得唔得就唔得

因為本身大家都有個共同目的地 就係番屋企同送佢番屋企 呢樣就實走唔甩



如果出街行到半路/食緊飯/睇戲/唱K

衰左 之後點樣keep番個正常氣氛唔dead air 過頭都成問題

好多時 大量既時間會導致胡思亂想 (個人為最佳人板) 尤其係個原因坐響你隔離

果種feel 唔好受的...

個人意見...罷了 (遠目

asdfg2200

我想問

如果我同一個女仔 佢同我住得好遠
佢放工正係同出面D人玩 同一班壞份子好熟
但係我問佢 佢同我講朋友
我好驚佢有事
不過我覺得我只係佢既朋友
理唔到同埋幫唔到佢
佢平時都唔會搵我
只係星期2 冇野做會搵我
好煩惱 可以點

kenlam_2204

佢成日無拉拉同我傾計...

~傳說中的傻仔︻

原帖由 asdfg2200 於 10-12-24 01:28 AM 發表
我想問

如果我同一個女仔 佢同我住得好遠
佢放工正係同出面D人玩 同一班壞份子好熟
但係我問佢 佢同我講朋友
我好驚佢有事
不過我覺得我只係佢既朋友
理唔到同埋幫唔到佢
佢平時都唔會搵我
只係星期2 冇野 ...

你只係佢既普通到無得再普通既朋友      的確你係無權去干涉人地既生活圈子

亦都明白你唔想佢同班壞人一齊玩       不如每個人既世界都唔同

你同佢或者係唔同世界既人黎      諗清楚你係唔係想同佢發展關係先?

kevinho528

所有拍拖中的情侶..唔知你地有無試過..同對方無話題傾..但同時又有無諗過其實對方想唔想同你傾....
我個人理講..2個問題都有..千山萬苦諗到啦..想直住傾下去..點知對方回一句..""甘又點""當堂無晒心機..

MAMbONEN

睇睇先 學下野都好XD

細蚊×

-

     我同我男朋友最近分左手;但我都吾知點解會分手;
     只系覺得佢之前突然間吾想理我;吾想搵我;
      想避我甘;然後某一個朝早 佢就sd sms比我同我講分手;;
         但系我好鐘意佢  過左2日我搵番佢  我就表明我想同番佢一齊;佢話會考慮下;
       但系佢而家好似吾想理我甘;佢成日掛住打機;可能我吾識體諒佢;
       甘我地復合機會大吾大;如果吾得的話可以點補救~.~

~傳說中的傻仔︻

原帖由 細蚊× 於 10-12-31 08:22 PM 發表
-

     我同我男朋友最近分左手;但我都吾知點解會分手;
     只系覺得佢之前突然間吾想理我;吾想搵我;
      想避我甘;然後某一個朝早 佢就sd sms比我同我講分手;;
         但系我好鐘意佢  過左2日我搵番佢  ...

請問你係唔係屬於痴身類形既女朋友呢?

照咁睇   你男朋友有機會因為你太過既痴身    導致佢感到煩厭

寧願打機都唔太想理會你  (因為我都係咁=.=)

對住呢類男朋友    唔可以太過急進      下下都去侵占佢既生活圈子

佢有時寧願打機     都唔想出街周圍行  

雖然你已經問左佢可唔可以一齊番       但短時間內佢應該唔會再同你復合

因為佢諗得出想同你分開一排         係有某種既原因係度

你而家又搵番佢     試問佢又點會未解決完個問題又同你一齊呢?

唔好咁急     試下放鬆小小      對佢既關心亦減少一d

比d時間雙方冷靜一下     過d時日之後你再問自己係唔係真係再想同佢一齊啦~

細蚊×

佢話會考慮下>.<佢話佢吾系吾鐘意我~
我同佢傾計佢都會應我;]我諗我以前可能真系太痴

~傳說中的傻仔︻

原帖由 細蚊× 於 11-1-2 01:24 AM 發表
佢話會考慮下>.

試下係呢段時間改善自己     每對情侶總會有考驗

如果你可以係之後比佢睇到你唔同既一面  我相信佢會樂意同你一齊番~

細蚊×

>_____<改善d咩好;;;我都吾知點有吾同既一面

ＭＡＮＤＹ

原帖由 細蚊× 於 11-1-2 09:50 PM 發表
>_____

改善你太痴身呢點已經好重要啦

~傳說中的傻仔︻

原帖由 ＭＡＮＤＹ 於 11-1-3 06:51 PM 發表


改善你太痴身呢點已經好重要啦

係lor...二黎你試下可以係裝扮方面變化下

可能你不嬲直髮既    試下玩曲髮

不嬲著開牛仔褲既   試下著多d裙

男人係直線思想既動物        取決外表往往係好重要既一個環節

當你係佢面前有耳目一新既感覺      對你既興趣自然亦都大大增加啦~

神槍武鬥小丸子

我宜家個情況唔知點咁,我仲應唔應該繼續去馬??

平時係學校好少見到面,我兩個幾月前開始係msn搵佢,
頭兩個星期我差唔多晚晚都搵佢,大家幾好傾,之後拎左電話,每格幾日就sms佢一次,
大約兩星期後,佢終於開始msn主動搵下我,次次都傾到大家訓覺先off,
但唔算應得好快,之後一直keep到去考試,考試期間我少左搵佢,佢都冇搵我,
大家開始少左傾計,關係由呢個時候開始變得冷淡,
考完試之後我sms佢,佢成日都好遲先覆/傾傾下就唔覆...
之後有次我約佢出街,佢肯出,大家出街個時都有講有笑,我有小禮物送比佢,
不過出完街之後,我sms佢佢都係好遲先覆....
我sms佢,等佢回個種感覺真係好難受..佢係咪想避我??
但佢避我又冇理由會肯同我出街...
由考試之前個溫書period開始,佢都冇主動搵過我,同埋由識佢到宜家佢係未試過主動sms我...
究竟我仲應唔應該繼續追佢??
ps:佢應該係冇男朋友

[ 本帖最後由 神槍武鬥小丸子 於 11-1-4 07:16 PM 編輯 ]

aiaikiki2004

我個女朋友係學校 同d同學成日都玩得好開心
之後好似無點理我 搞到我有時唔開心..
好似掛住理其他人 都唔理我
我有同佢講過 但佢就話根本唔係無理我
搞到我好唔知點好

之後有時佢好似無點理我 好似對我淡左好多甘
但係佢平時又會sd sms or講 好愛我果d
話唔可以無左我 好愛我

搞到我一時好開心一時又好唔開心
有時懷疑佢對我既愛 係唔係真

我應該點做??

~傳說中的傻仔︻

原帖由 神槍武鬥小丸子 於 11-1-4 07:01 PM 發表
我宜家個情況唔知點咁,我仲應唔應該繼續去馬??

平時係學校好少見到面,我兩個幾月前開始係msn搵佢,
頭兩個星期我差唔多晚晚都搵佢,大家幾好傾,之後拎左電話,每格幾日就sms佢一次,
大約兩星期後,佢終於開始msn主動 ...

你比我既感覺係一個唔成熟既小孩子        原因在於你對對方回應sms速度已經咁著緊

咁即使第日比你一齊左        我都會覺得你不善於管理一段感情

所以係解決問題之前           我建議你可以先改善自己既性格   唔好咁多心、唔好咁『煩』


至於你既問題       我只可以講句:你想追人又無膽

回應sms慢又點先?   係唔係代表一切?

我覺得真係成熟處事既話      倒不如將重點放係點奪取佢既芳心仲好         而唔係好似你咁將著眼點放係咁微不足道既事

好多感情深厚既情侶或者唔會透過sms/msn黎維繫感情         佢地反而會選擇傾電話/約出街

我係你既話會放棄sms   反正你都話人打得慢/又唔回你         點解唔索性打比人傾電話呢?     

電話係一種比sms/msn更有效既溝通渠道     而且你可以唔怕佢等好耐先回你      

另外你竟然話仲好唔好同佢發展落去~

老老實實       我覺得你呢種情況周街都係         

每個男人去同陌生既女仔拉近距離時都一定會發生      

對方係女人黎架        唔通下下想人做主動咩?

而家只係開始既部份你已經想收檔     我勸你諗清楚呢個女仔係唔係真係值得你放個心落去呢?

意見:

打電話比人       電話係最有效既溝通渠道

唔好咁多心/小男人        女人最唔鍾意呢d

比d勇氣出黎      係佢面前展示下你成熟既一面吧啦

都唔知你點解要問去唔去馬好     跟本你個case只係自然情況黎~

~傳說中的傻仔︻

原帖由 aiaikiki2004 於 11-1-4 08:57 PM 發表
我個女朋友係學校 同d同學成日都玩得好開心
之後好似無點理我 搞到我有時唔開心..
好似掛住理其他人 都唔理我
我有同佢講過 但佢就話根本唔係無理我
搞到我好唔知點好

之後有時佢好似無點理我 好似對我淡左好 ...

每個人都有自己既生活圈子         點解你唔比女朋友有自己既生活空間呢?

相處之道係尊重同關心對方        而唔係控制對方

相反     唔通你同班兄弟玩緊個時       佢下下要你陪佢     你都唔開心啦   係唔係先?

有時要置身處地           係人地個角度諗下

或者你女朋友都知道問題所在        但有時可能係佢同學主動搵佢玩呢?



至於佢無乜點理你           根本係多舊魚

如果佢真係唔點理你        又點會話我愛你呀    我好鍾意你個d呢?

有時d野可能真係講唔出口         咪透過sms同你講

除非你女朋友係情感氾濫到周圍同男仔講我愛你      咁我無野講啦~



唔好成日懷疑      根本你就將一件微不足道既事無限放大

攪到你自己都開始動搖你對你女朋友既決心        唔好比呢d心魔迷惑到啦~



最後       做人學識大方d            你愈想控制你女友         佢只會愈走愈遠      咁樣對大家都無好處~

aiaikiki2004

多謝你比我既意見
我睇完好大感觸
我會好好反省下!!
真係好多謝你!!