感情煩惱、疑問、聊天室~ 有問題歡迎提出~ (#1有小弟寫既戀愛技巧 可睇完再問)

IcaN't

原帖由 ~傳說中的傻仔︻ 於 11-1-18 08:12 PM 發表


你篇野我其實睇唔明    因為d字好怪   你講既野又含糊   

或者你再post多一次   係好小小既~



愛情既真正含義    就係你所提出: 令對方幸福而不計回報      但係又有幾多人可以做到?

照你個case    ...

多謝你解答我d疑惑!
我對博愛既睇法.
個女仔會成日主動搵異性,叫d男仔多d搵佢,想取得佢地既關注,
又會成日同佢地講埋d 記得掛住我呀之類既說話,好似要你一定掛住佢
同親男仔出街又會橋住人地隻手呀 D動作會令到個男仔覺得有D尷尬,
其實博愛真係好難定義
唔知你睇法如何?

~傳說中的傻仔︻

依你博愛既定義      我會對呢種女仔有兩個睇法

1.) 佢地嚴重缺乏安全感

其實呢種性格缺陷真係黎自先天     我身邊都有呢種女仔朋友

佢地會同異性講一d好close既說話       但佢地又唔係鍾意對方       只不過係佢地本能既做法黎

2.)  濫

相信你都知我意思係乜      

邊個女仔唔享受比人追既感覺先?

好多時就用漁夫撤網既方式黎『電』其他異性        其實只要個女仔普普通通       都已經足夠引黎狂蜂浪蝶~



你要小心留意你既另一半係屬於邊隻      

如果係後者  我勸你要諗定下一步既做法~



至於我對博愛既睇法     其實我就覺得每個人都有生活圈子

處事方式同埋態度都好難同另一半同步     只可以遷就而唔可以控制

如果個女仔只限於朋友情面上既博愛     我係可以接受

所以我對於博愛既睇法係: 我既另一半當然可以同異性玩/出街   但要適可而止

行為同埋言語上要識自己調節    佢可以自己分到幾時係開玩笑     幾時係認真就當然最好

如果太過份既話我都會去令佢知道我係度諗緊咩     

希望幫到你~

神槍武鬥小丸子

好耐冇見,又係我呀=.=..
上次大家叫我同個女仔做住朋友先,
我都有keep住msn佢傾下計,間中先會用sms...
但係我想知同佢呢個關係究竟要keep幾耐..
我真係盡緊力了...琴晚見大家傾開msn咪諗住好平常咁問下佢幾時得閒去食下飯..
點知佢最後答我"later la XDD"咁樣...即係又被拒絕了..
我平時根本冇咩機會見到佢...主要都係靠MSN/SMS先可以同佢溝通到~加上我又唔擅長傾電話,
我都唔知自己仲要繼續同佢KEEP住做FD做到幾耐喇=[  佢連見下面都唔想...
加上佢平時成日有野做緊,SMS/MSN已經覆得唔快,好難有個SMOOTH CONTACT WITH HER...
同佢呢個關係就黎4個月了..
我夠鐘了嗎??

[ 本帖最後由 神槍武鬥小丸子 於 11-1-22 06:46 PM 編輯 ]

~傳說中的傻仔︻

原帖由 神槍武鬥小丸子 於 11-1-22 02:26 PM 發表
好耐冇見,又係我呀=.=..
上次大家叫我同個女仔做住朋友先,
我都有keep住msn佢傾下計,間中先會用sms...
但係我想知同佢呢個關係究竟要keep幾耐..
我真係盡緊力了...琴晚見大家傾開msn咪諗住好平常咁問下佢幾時得閒 ...

睇怕佢只係願意同你維持朋友既關係      因為你一開始已經太急進

做乜都係以溝到佢為主     講過女仔係好敏感

你講句野都已經知你想點    而你又用狂攻既戰略    但好明顯佢係對你毫無好感

偏偏係咁既情況之下      你更加想玩速戰速決      成功既可能性仲低過佢主動同你示愛=無可能

所以佢刻意同你保持距離係正常既做法      4個月時間  佢對你既表態已經證明左我以上既講法

而家問你自己

想繼續落去   就只有用真心黎感化佢    用時間證明你自己對佢既誠意

如果唔想再落去既話     就放棄吧啦~

神槍武鬥小丸子

原帖由 ~傳說中的傻仔︻ 於 11-1-22 11:29 PM 發表



睇怕佢只係願意同你維持朋友既關係      因為你一開始已經太急進

做乜都係以溝到佢為主     講過女仔係好敏感

你講句野都已經知你想點    而你又用狂攻既戰略    但好明顯佢係對你毫無好感

偏偏係咁既 ...

可能我太急進啦,但係我係同佢MSN/SMS左2-3個月先開始第一次約佢...
平時係MSN都唔係講D出位野,都係傾下計講下笑咁...
你話我太急,但我覺得唔算太快啦...
唉~宜家搞成咁..唔通真係天意=[
如果我唔想放棄,咁我應該點做??

[ 本帖最後由 神槍武鬥小丸子 於 11-1-23 12:39 AM 編輯 ]

~傳說中的傻仔︻

想繼續落去   就只有用真心黎感化佢    用時間證明你自己對佢既誠意

即係繼續keep住做fd      唔好咁唔自然成日咁急進約人去邊/送野比人

等到大時大節先   再一班人出黎玩咪自然好多

打比人傾電話啦醒目仔      你日日望住個msn同電話都無用架  (點解無用? 睇下我個溝通篇你就會明)

[ 本帖最後由 ~傳說中的傻仔︻ 於 11-1-23 10:55 AM 編輯 ]

笨小豬﹏

我有d野想問xdd"

我同個女仔上網識既 同佢都識左好耐但係都未出過街"

咁我就想約佢出黎`但係第1次約出黎有冇d特別野做-口-"?

行街"?  食飯"?  睇戲"?   有冇第d野做架=v="

我唔想悶親個女仔" 同埋最好去d咩地方好呢"? 唔該!~

~傳說中的傻仔︻

原帖由 笨小豬﹏ 於 11-1-24 12:52 PM 發表
我有d野想問xdd"

我同個女仔上網識既 同佢都識左好耐但係都未出過街"

咁我就想約佢出黎`但係第1次約出黎有冇d特別野做-口-"?

行街"?  食飯"?  睇戲"?   有冇第d野做架=v="

我唔想悶親個女仔" 同埋最好去 ...

可以睇下我既約會篇先       入面都可以解答到你既問題

神槍武鬥小丸子

我上次個單野之後,我冇搵佢一日,之後個日,佢見我msn打左d唔開心野,
之後佢又會主動問下我咩事關心下我...
佢咁樣又唔算避開我wor..
但我係唔係仲有機??
身邊d人好多都話3-4個月就應該要追到,拖得太耐個女仔會冇哂feel,其實係咪真??
我宜家同佢傾計已經開始覺得好難諗到話題,
同埋對住d乖既女仔講呢d口花野佢地會唔會嚇親嫁??

[ 本帖最後由 神槍武鬥小丸子 於 11-1-28 03:59 PM 編輯 ]

~傳說中的傻仔︻

原帖由 神槍武鬥小丸子 於 11-1-26 02:33 AM 發表
我上次個單野之後,我冇搵佢一日,之後個日,佢見我msn打左d唔開心野,
之後佢又會主動問下我咩事關心下我...
佢咁樣又唔算避開我wor..
但我係唔係仲有機??
身邊d人好多都話3-4個月就應該要追到,拖得太耐個女仔會冇哂 ...

講過好多次      我亦係度同你講最後一次

睇黎你而家成個腦都只係:點溝到佢!!點溝到佢!!點溝到佢!!點溝到佢!!點溝到佢!!點溝到佢!!點溝到佢!!點溝到佢!!

大佬呀   雖然每個男人都係咁      但好心你唔好將呢幾個字寫係塊面到好無?

講過女仔係好易regard到你想做乜      你獲獲都係以溝佢為出發點

咁你就死__硬!

唔好care幾多時間       唔好care有無回報

既然你想追到人       而家你要做既係同佢做朋友

但好明顯你係唔知咩叫做朋友        因為你剩係知道要溝人

你永遠領略唔到同佢做朋友係第二條路可以追到佢     

我講既就係咁多     請你下次發問之前     諗清楚係唔係自己問題

唔好下下用回報/時間黎衡量佢對你有無感覺

我同你講    感情係無得衡量    你可以做既只有付出    特別係你呢隻將[溝]既字眼寫係塊面既人   明唔明?

arisan

謝謝啦~~愛情煩惱都被你搞定了

arisan

謝謝，祝你生意興隆。

kaiyiu321

http://www.2000fun.com/bbs/viewt ... &extra=page%3D1
唔該晒:D

~傳說中的傻仔︻

原帖由 kaiyiu321 於 11-2-1 12:25 PM 發表
http://www.2000fun.com/bbs/viewt ... &extra=page%3D1
唔該晒:D

就咁睇      其實個女仔對你唔多唔少都有野

不過我就覺得對方係諗野好細路女   

你都叫做表左白啦        仲係度拖拖拉拉

我就覺得可能有幾個原因

1.)佢想玩你

2.)佢身邊有幾條友同時追緊佢     慢慢選擇

3.)吊高黎賣

4.)佢真係決定唔到

但係我覺得第四個可能性係建基於第二個可能性         原來係咁既話

你要小心個女仔可能係花心類形      佢想睇定d再選擇

不過係呢一刻佢都答左你假期後先比回答你          咁你咪等下先

試下呢段假期表現得主動d     睇下佢有咩反應

歡迎你再上黎問問題~

kaiyiu321

原帖由 ~傳說中的傻仔︻ 於 11-2-1 02:40 PM 發表



就咁睇      其實個女仔對你唔多唔少都有野

不過我就覺得對方係諗野好細路女   

你都叫做表左白啦        仲係度拖拖拉拉

我就覺得可能有幾個原因

1.)佢想玩你

2.)佢身邊有幾條友同時追緊佢  ...

我問個一個同佢好FD既FD,佢話佢琴晚喊完尼
fd問過佢中唔中意我,佢就話唔知
fd問係咪50.50,佢話係
好亂...

~傳說中的傻仔︻

原帖由 kaiyiu321 於 11-2-1 02:52 PM 發表

我問個一個同佢好FD既FD,佢話佢琴晚喊完尼
fd問過佢中唔中意我,佢就話唔知
fd問係咪50.50,佢話係
好亂...

唔好下下信哂個fd     耳聽三分假   眼見未為真

你咪索性打過去講你既心聲同埋問佢既想法先    再決定下一步lo

起碼個答案係佢真人答你      朋友既答案好流架...

傻少乂培

方唔方便比個msn我地傾傾-.-?

~傳說中的傻仔︻

原帖由 傻少乂培 於 11-2-1 04:35 PM 發表
方唔方便比個msn我地傾傾-.-?

其實你可以係度發問- -

如果真係覺得唔方便...都歡迎你pm我既...

傻少乂培

ok 唔該哂你 xd．’

c396437

遊客，本帖隱藏的內容需要積分高於 2700 才可瀏覽，你當前積分為 0

[ 本帖最後由 c396437 於 11-2-14 08:43 PM 編輯 ]