感情煩惱、疑問、聊天室~ 有問題歡迎提出~ (#1有小弟寫既戀愛技巧 可睇完再問)

applexx88

我係一個高From中學生,未拍過拖,乃初哥一名(特向樓主請教)
先講下我既情況先la,我同個女仔係fd搭fd識既,鬲來班既同學來
係一個較為文靜既女仔(唔係靜到唔出聲個隻,只係較為文靜而已) 星六日要番教會(我唔信教既,曾經諗過跟埋去...不過都係唔好)  
識左個幾月兩個月
見到面講野1句起2句止(因為大家都有fd在場,好難1對1)            1對1個陣(一兩mins),我太緊張,成日諗唔到講d咩野= =
我有佢既msn同sms (佢唔鐘意講電話)
每日2~3個sms而已 佢都有回到(回既野時長時短)(冇試過佢主動send俾我)
msn就好多野傾 應該係傾得幾開心既(但唔係成日on)
試左約佢幾次 ,幾次都被某些事stop左
講電話就緊係未試過啦-,-

感覺 覺得怪怪的,又唔係完全ban哂我,但又進唔到下一步

請教點算= = 我feel到佢唔知我鐘意佢
(我收到d唔知準唔準既風...個女仔想專心讀書)

[ 本帖最後由 applexx88 於 11-2-27 01:17 PM 編輯 ]

~傳說中的傻仔︻

首先   你地根本欠缺一個共同環境去比你地發展感情

加上你仲欠缺左話題黎令你地了解彼此對方       所以試下跟埋佢去教會啦

有左共同既話題      你先可以打開條路走入佢個心架嘛

至於你個問題      其實真係好普通

你講唔出野     可以睇下我既溝通篇     或者會幫到你

sms唔係唔好     但嘗試用電話啦....

你連傾電話都淆底       你又點會夠彊面對面傾計呢?

至於約既次數   唔好咁急住先       等你儲到一定既話題

佢對你都有一定既感情之後     再約佢出黎你都唔洗口啞啞啦   係唔係先?

慢慢黎啦    追女仔係需要時間

applexx88

回樓主:
好多謝你,溝通篇我有睇,完全明白
我都想同佢傾電話,但係- -佢根本唔LIKE傾電話,你覺得 我突然打俾佢 好唔好牙??
另外,為左追女仔而去返教會 總係覺得唔係幾好= =  (我對教會冇咩感覺,但對教會入面D人叫你信耶穌個D說話 十分反感)

如果約佢係去教會前 一齊食野 ,咁樣我都重接受到=  =

[ 本帖最後由 applexx88 於 11-2-27 07:16 PM 編輯 ]

~傳說中的傻仔︻

追女仔就係知道人地對你無感覺   從而變成自己女朋友既一個有趣既過程

個比喻就係個陌生人無啦啦同你講想同你做朋友       你都會覺得好突然

但係呢樣係無可避免    你想同人拉近距離就要勇氣      否則只會原地踏步     就好似你而家既情況咁

至於教會方面      你咪去一次半次lo     留意下教會入面有咩話題值得比你拎黎同佢傾計

eg: 個主教好似好老咁wo...你識左佢好耐啦?    點解你會信教會既?

呢類既話題既切合佢既生活圈子       又可以令你了解佢更多       更可以令你地之間既關係拉近

一舉三得就係呢隻       但係做唔做....你自己選擇啦

applexx88

既然係咁,去一次吧,就下星期 試試 ,謝謝你

~傳說中的傻仔︻

最緊要幫到你姐      記住留意多小小教會既事情

你更加可以MATK低一D值得比你用作話題而佢又會感興趣既事情

我相信咁樣會令你地既關係大大增加

捉字a_a係mark xd

[ 本帖最後由 紫靈姬 於 11-3-1 05:51 PM 編輯 ]

applexx88

你講得好岩, 重係差個2人獨處既機會...如果有多d既話,我諗...........

謝謝

asdfg2200

我同個女仔一齊左

係散完之後又一齊

係散果排呢 我地大家都冇搵對方 但係我又再追番佢-.-

一齊番 但係e家種感覺係比以前佢變得好冷淡

聽d fd講 我成日令佢失望

但係我知 佢都有好多野暪住我
情人節同第個男人去食飯-.-'
但係佢仲可以懷疑番我出面有第個=.=
點算好

rx79g081

師兄，我想搵你傾訴一下.....

我係公司鐘意左一個大我兩年既女仔，大家 做野既區域唔同，所以唔太熟，我只有佢 做野既區域唔同，所以唔太熟，我只有佢msn ，我知道同佢一齊做野個堆男同事有幾個都對佢有興趣，我好驚佢會比人追左去，所以我就係Msn度同佢講我對佢有意思，讚佢靚、可愛等等，問佢可唔可以比機會我。跟住佢就答，呵呵...我邊可愛呀，你誤會了....??姐係廢話既最高境界—講左等如冇講。咁樣只係冇拒絕我...但佢平時係Facebook等等地方留言都係Land仔前Land仔後，咁係唔係姐係接受唔倒細過佢既男仔呢？我地冇乜機會見面，就算見倒個心都會好緊張狂跳，個腦一片空白，唔知講咩好，now只有靠msn溝通，但因為唔太熟，所以冇乜話題，佢每日都係我腦海出現，好辛苦呀>_<

~傳說中的傻仔︻

我同個女仔一齊左

係散完之後又一齊.....

好明顯你地相處之道根本無坦誠既存在     你又唔知佢既野   佢又唔會話比你知

你唔覺得好辛苦既咩?   同埋當散左再一齊番    其實你而家冷淡既氣氛我係好明白

因為當初你地就係因為某d野而分開       而根本個樣野未解決到你就同番人一齊

一個惡性循環     你覺得會有咩既好結果先?

你而家可以做既就係       試下去同佢坦誠相處     比佢感覺到你既改變

講過好多次     愛情係雙向     當你唔主動行出第一步    你都唔好旨意人地會無啦啦行出第一步

希望你會明我講咩~

~傳說中的傻仔︻

師兄，我想搵你傾訴一下.....

msn可以用黎作溝通既其中一個選擇   但係你竟然用黎表白    根本一d誠意都無   又試問人地點會比到機會你先?

我估你係msn同現實係好大反差既人      係唔係呢?

msn你同個女仔就大把野講       現實一見到人就收哂檔

你咁樣追女仔就實死緊       個女仔都覺得無癮啦

次次msn見唔到面你先大膽       比著換轉你係個女仔     你都會好失望啦?

而家你可以做既就係     反正你地係網絡世界已經有一定既認識

咪索性大膽小小過去約人出黎一齊食個lunch     你地唔係同一間公司咩?

照計放飯時間差唔多        既然係咁你咪約佢係個段時間出黎食野     

又可以增加你既膽量        又可以迫你同佢係現實傾多d計

你咪鬼用同事都有興趣呢個excuse啦      如果你同事對你d錢有興趣    你係唔係又會比人先?

所以你個問題根本就係出於你淆底          唔好淆底啦

溝女係需要勇氣架       你連係現實世界同人傾計既勇氣都無       我好難相信你會係做人處事方面都會成功

唔同老闆叫你同個客傾生意        你都只係限於msn同人傾?

所以大膽咁行前一步      大大方方咁係lunch個時過去同佢講: hi  可唔可以一齊食個飯呢?

至於話題方面  你可以睇下我既溝通篇: http://www.2000fun.com/bbs/viewt ... AA%BA%B6%CC%A5J%A1k

話唔定都會幫到你

希望幫到你

[ 本帖最後由 ~傳說中的傻仔︻ 於 11-3-4 12:58 PM 編輯 ]

rx79g081

原帖由 ~傳說中的傻仔︻ 於 11-3-4 12:57 PM 發表


msn可以用黎作溝通既其中一個選擇   但係你竟然用黎表白    根本一d誠意都無   又試問人地點會比到機會你先?

我估你係msn同現實係好大反差既人      係唔係呢?

msn你同個女仔就大把野講       現實一見到人 ...

多謝你~ 你所講o既野非常有用~

不過膽量方面就唔知點訓練.....

[ 本帖最後由 rx79g081 於 11-3-5 02:02 AM 編輯 ]

applexx88

又係我了樓主

msn 現在佢日日都on 同我chat(雖然同時又同其他人chat- -)
現實中,根本冇機會同佢傾到計,唔係我唔夠擔同佢講野(傾個陣都係成班人),同樓上一樣 msn多 現實少
我約佢,佢又話唔得閒(因為冇假放)  約佢食飯就應該不大可能, 因為大家都有班同學日日一齊食     我有諗過從佢個兩三個女仔fd 入手,但係又好似冇機會(岩岩講左佢地經常起埋一齊)
-,- 佢電話永遠教做冇聲... 屈哂我機   send sms既話 佢得閒先回  我都唔知點算
完全停哂

[ 本帖最後由 applexx88 於 11-3-6 01:40 AM 編輯 ]

~傳說中的傻仔︻

咁你無計架啦      咁有厚住面皮去約佢lo

追女仔係要面皮夠厚        既然你msn同sms同電話都埋唔到手      

我係你既話....  會搵佢身邊一個比較口密既fd    同佢表明你既諗法(當然要有小小保留)

依女仔個種八掛同母愛既心態   同埋前題係你本身既形象唔差     佢地都應該會願意幫下手

我估你都係死都唔會咁膽咁多人面前過去約人架啦....    咁你唯一可以做既真係由佢朋友埋手

試下呢條路啦    話唔定有另一番既景象

加上唔好咁急約人住先      換個角度諗     有個女仔你根本同佢唔太熟     對方就係咁約你出街獨處食飯

你都有d奇怪同抗拒啦       係唔係先?

慢慢黎啦         由佢地朋友埋手         睇下佢地肯唔肯幫手先

如果佢地肯幫手    咁你就好有機會埋到你女神身架啦

applexx88

樓主,真係俾你估中左 ,我真係唔會係好多人面前咁主動去約佢  (加上,佢個班d男仔...成班(難)仔來既,了女仔就叻,我咁樣約法- -實俾班(難)仔 凸死)
表明諗法方面
應該表明d咩野?  (= =其實佢所謂既 fd入面 ,得一個係fd(舊同學),其他個幾個都係熟d既同學而已,咁即係得一個講得)
應該直接表明 我中意XXX??定係點呢?
佢個女仔fd,又係fb 勁少on既 (我冇理由問女神 拿 佢個fd 個msn嫁-,- 係咪先) 點入手呢...

樓主,重有一個問題- -我唔可以太慢慢來.....有d苦衷啦...唔係有苦衷既話 我都可以打持久戰既..但係... 我相信樓主你明既

i.e. 我感覺到 佢同我每日msn傾計 已成習慣

[ 本帖最後由 applexx88 於 11-3-7 08:45 PM 編輯 ]

arshing123

其實我清況同applexx88 差唔多 都係未拍過拖
不過個女仔都好健談 見到面時都會傾下計咁  不過因為唔同班所以好多時都傾唔耐(其實佢知我佢鐘意好耐了)
我未試過約佢出街 因為唔夠膽(因為佢知我佢鐘意佢 我怕俾佢拒絕)
我有佢既msn同電話 我周不時都會搵下佢傾計 SMS 但係佢就未主動搵過我
電話我就唔夠膽打俾佢 我已經睇左你既溝通篇 係有幫助 但我此終都係淆底怕打左俾佢林時唔知講咩

~傳說中的傻仔︻

原帖由 applexx88 於 11-3-6 06:40 PM 發表
樓主,真係俾你估中左 ,我真係唔會係好多人面前咁主動去約佢  (加上,佢個班d男仔...成班(難)仔來既,了女仔就叻,我咁樣約法- -實俾班(難)仔 凸死)
表明諗法方面
應該表明d咩野?  (= =其實佢所謂既 fd入面 ,得一個係f ...

你咪表明你想同你女神關係想更進一步close        係佢班fd面前提下幫幫手

至於爛仔又點先...     係唔係佢地係度你就唔食飯?  唔沖涼先?

咪鬼在意他人目光啦       而家係你追女仔     唔係你班爛仔

講過啦      佢話佢係網上世界on既次數根本好少

除左打電話同埋現實約出街        我實在諗唔到再有咩方法可以幫你速成呢段關係

你再係度怕人怕事      成日都唔夠膽行出第一步       咁你永遠都唔會追到呢個女仔

~傳說中的傻仔︻

原帖由 arshing123 於 11-3-8 12:20 AM 發表
其實我清況同applexx88 差唔多 都係未拍過拖
不過個女仔都好健談 見到面時都會傾下計咁  不過因為唔同班所以好多時都傾唔耐(其實佢知我佢鐘意好耐了)
我未試過約佢出街 因為唔夠膽(因為佢知我佢鐘意佢 我怕俾佢拒絕 ...

咁唔好打電話比佢啦         咁唔好約人出街啦     繼續咁樣都已經ok




你唔好玩我啦      你乜都唔做就想同人一齊?   

咁我都不如唔好番工        等中六合彩算

又想同人一齊      又要咩都怕        咁你做人處事點會成功?

約人出街怕拒絕所以唔約         咁你不如話考試怕唔合格所以唔考

根本就同一個道理      你乜鬼都唔試就緊係原地踏步啦

既然你已經有電話       已經有一定既溝通程度        點解唔可以似個男人咁約人出黎食野行下街?

你要記住       追女仔唔可以淆底       一淆底你就一世都唔會成功

youkiuken

原帖由 ~傳說中的傻仔︻ 於 11-2-27 11:04 AM 發表



無野係放唔開      只係你自己肯唔肯面對既姐

你永遠都沉醉係放唔開手既空間入面    享受一種『一絲希望』既時間入面

咁你永遠都唔會放得開

試下話比自己聽啦   唔好浪費時間

起碼係到呢一刻什至 ...

保持有距離以竟做緊了...
係sms有時佢都會搵我傾計咁~!真人就好似完全唔識咁樣
就係咁真係好辛苦下- -"   
我覺得要做咁做朋友的話...辛苦
我做不到- -"
佢其實想點...我咁點做好

[ 本帖最後由 youkiuken 於 11-3-8 04:33 PM 編輯 ]

applexx88

原帖由 ~傳說中的傻仔︻ 於 11-3-8 11:08 AM 發表


你咪表明你想同你女神關係想更進一步close        係佢班fd面前提下幫幫手

至於爛仔又點先...     係唔係佢地係度你就唔食飯?  唔沖涼先?

咪鬼在意他人目光啦       而家係你追女仔     唔係你班爛仔

講 ...

收到, 咁即係 在佢班fd面前or私低 講下e.g 直接話如果我想同女神close d可以點??,  睇下佢地有冇計 幫幫手啦
(我有試現實約佢...但係換來既ans 係 今個月冇假放....囧) 電話方面, 佢電話係教左做無聲 無震機...
(我一日send一個sms俾佢, 但都係唔回既= =,但番到家msn 問佢, 佢又話有睇到,係唔得閒回/唔知點回,咁即係點-,-)

[ 本帖最後由 applexx88 於 11-3-8 06:40 PM 編輯 ]