感情煩惱、疑問、聊天室~ 有問題歡迎提出~ (#1有小弟寫既戀愛技巧 可睇完再問)

神槍武鬥小丸子

原帖由 ~傳說中的傻仔︻ 於 11-1-5 11:25 AM 發表



你比我既感覺係一個唔成熟既小孩子        原因在於你對對方回應sms速度已經咁著緊

咁即使第日比你一齊左        我都會覺得你不善於管理一段感情

所以係解決問題之前           我建議你可以先改善自己 ...

我之前問過d fd,
d fd話佢咁樣即係對我冇咩意思..
其實我仲想繼續搵佢,
不過打電話對我黎講真係有難度...突然打比人好似好唐突
唔知講咩好....除左同佢出街個時打過比佢問佢係邊之外,
我未試過正式打電話比佢= ="...
我諗住呢期都唔SMS佢了,我好似當初咁用番MSN搵佢傾計..
不過我初初同佢SMS既時候,佢覆得都唁算慢...點知宜家變成咁...
我近日約佢睇戲,佢話唔睇,之後我就話算了~諗住放完假之前約佢去玩~~
因為過多幾日就放完假,之後佢話可以約佢玩,但唔好呢幾日...
之後我咪八掛問下佢去邊玩,之後佢好耐都冇覆,之後就話要OFF了....
佢係咪暗示緊要避我=.=??
咁我點約佢好= =""
同埋,唔知佢係咪已經有左target/比其他人追緊...
好亂好亂....我好似已經冇咩機會咁

[ 本帖最後由 神槍武鬥小丸子 於 11-1-7 02:19 AM 編輯 ]

紫靈姬

原帖由 細蚊× 於 11-1-2 21:50 發表
>_____<改善d咩好;;;我都吾知點有吾同既一面

男人係喜歡新鮮感 亦都好怕麻煩即係痴身型既女人
你越去纏住佢 佢就會越想搵藉口 相反 你間唔中痴下間唔中做自己野 咁至少感覺都已經唔同
拍拖雖則係兩個人之間既事 如果對方真係愛你 佢一定會主動約你
但假若你愛對方比較多 咁你就應該搵下啲朋友出下街 自己做自己啲野囉

youkiuken

佢sms同我講:對唔住,我對你無果種感覺...(因為大家都唔清楚大家)....最後希望大家仲係朋友

我唔知點算好啊~!應該點做好.....

紫靈姬

原帖由 神槍武鬥小丸子 於 11-1-6 00:03 發表

我之前問過d fd,
d fd話佢咁樣即係對我冇咩意思..
其實我仲想繼續搵佢,
不過打電話對我黎講真係有難度...突然打比人好似好唐突
唔知講咩好....除左同佢出街個時打過比佢問佢係邊之外,
我未試過正式打電話比佢= ="...
我諗住呢期都唔SMS佢了,我好似當初咁用番MSN搵佢傾計..
不過我初初同佢SMS既時候,佢覆得都唁算慢...點知宜家變成咁...
我近日約佢睇戲,佢話唔睇,之後我就話算了~諗住放完假之前約佢去玩~~
因為過多幾日就放完假,之後佢話可以約佢玩,但唔好呢幾日...
之後我咪八掛問下佢去邊玩,之後佢好耐都冇覆,之後就話要OFF了....
佢係咪暗示緊要避我=.=??
咁我點約佢好= =""
同埋,唔知佢係咪已經有左target/比其他人追緊...
好亂好亂....我好似已經冇咩機會咁

好感呢樣野 真係需要睇時機 好快有 亦都可以好快無
正如你剛開始既時候 時常同佢傾MSN SMS 電話 又會出街 何解呢段時候你唔可以勇敢啲嘗試表白呢
你怕失敗 怕無朋友做 咁樣只會係你自己對自己唔住 真係無人可以幫到你 凡事真係要靠自己
好可惜 女仔比我既感覺 已經當你算係非常普通既朋友
所以無論你點樣同佢傾計 點樣約佢 佢都會好遲先覆你 約會只會係得閒就同你去下唔得閒就唔理你既感覺
避唔避你呢樣野 就要睇你平日MSN同SMS頻唔頻密 亦都可能係你真係多心左 可能只會係純粹唔得閒
有冇新既目標 其他人追緊 講真就算比你知道個結果 你會唔會真係打算放棄先
好多時候唔一定要有冇機會先做朋友 如果你只係單純為左追佢 先想做朋友 我勸你都係早啲放棄啦
睇返你既機會真係會好微 至少你都要比佢感覺到 你既優點先 你大至上都要知道佢喜歡咩野
鐘意咩類型既男仔 男仔最大既缺點 無自信(但切忌過份自信) 無勇氣 首先呢兩樣足夠令女仔討厭先
你係真心喜歡對方首先麻煩你檢討一下你自己 改變一下自己 會唔會係越黎越鐘意對方
開始變得好煩 而導致對方討厭呢個問題為先
至少個女仔比我睇到一樣野 佢係學業為重 咁你有冇做好自己本份呢
只可以講一句無女仔唔會被聰明有專長既男仔所吸引 希望你會明白我所講既內容=]

~傳說中的傻仔︻

佢sms同我講:對唔住,我對你無果種感覺...(因為大家都唔清楚大家)....最後希望大家仲係朋友

我唔知點算好啊~!應該點做好.....

你係唔係太快就同佢表白呢?       因為你個句:因為大家都唔清楚大家

相處時間太短        又無感情基礎     是但咁表白    自然就會收皮~

我建議你先可以慢慢同佢做朋友開始     再發展落去睇下有無機會~

好感呢樣野 真係需要睇時機 好快有 亦都可以好快無
正如你剛開始既時候 時常同佢傾MSN SMS 電話 又會出街 何解呢段時候你唔可以勇敢啲嘗試表白呢......

其實講白d就係:  你同佢關係未夠好     佢唔受你追        你唯一可以做既就係由朋友發展上去

唔可以太急     因為咁樣你只會比佢煩既感覺     感情你知無得勉強    你如迫佢佢愈走    gdluck~

youkiuken

原帖由 ~傳說中的傻仔︻ 於 11-1-7 01:24 PM 發表


你係唔係太快就同佢表白呢?       因為你個句:因為大家都唔清楚大家

相處時間太短        又無感情基礎     是但咁表白    自然就會收皮~

我建議你先可以慢慢同佢做朋友開始     再發展落去睇下有無機會~
...

咁我呢家可以點做好?扮無事...做朋友好似平時咁  見到佢好似唔知點咁(個心唔係好抒服既感覺...

~傳說中的傻仔︻

原帖由 youkiuken 於 11-1-7 01:37 PM 發表

  咁我呢家可以點做好?扮無野...做朋友  見到佢好似唔知點咁(個心唔係好抒服既感覺...

咁你想繼續追人        唯有厚住面皮扮朋友      女人最叻係扮無事    睇下夠唔夠厚面皮姐

如果你想放棄     咪避開佢lor　　不過咁樣反而顯得你一ｄ都唔大方　  

男人黎架    輸得起放得低      表白衰左仲可以大方同佢say hi做朋友         咁樣反而比佢一種自然既感覺

初期係會有面左左架啦      年青人過一兩個禮拜就乜事都無啦

岩唔岩先?

神槍武鬥小丸子

原帖由 紫靈姬 於 11-1-7 01:09 PM 發表


好感呢樣野 真係需要睇時機 好快有 亦都可以好快無
正如你剛開始既時候 時常同佢傾MSN SMS 電話 又會出街 何解呢段時候你唔可以勇敢啲嘗試表白呢
你怕失敗 怕無朋友做 咁樣只會係你自己對自己唔住 真係 ...

其實我初初同佢成日sms/msn個時已經想約佢,
可惜個時開始接近考試,佢又好多project要做,我個時約佢佢都未必會出...
我一早已經預左個考試會影響到我地=.=..
之後咪諗住考完試即約佢出黎,雖然約到..
不過都避免唔到宜家既情況發生....
我宜家msn搵佢佢都會同我傾下計...
我好想令佢對我有番好感,可以點做??
佢拒絕左再同我睇戲,心情受到重挫...
後來佢個句話可以約佢去玩,不過呢幾日唔得,
我思考左好耐,佢係想推住我先,定係真係呢幾日唔得閒呢??

紫靈姬

原帖由 ~傳說中的傻仔︻ 於 11-1-7 13:24 發表


你係唔係太快就同佢表白呢?       因為你個句:因為大家都唔清楚大家

相處時間太短        又無感情基礎     是但咁表白    自然就會收皮~

我建議你先可以慢慢同佢做朋友開始     再發展落去睇下有無機會~
...

= ="睇清楚DDDD我解答緊
你仲咩要答返我呢個喎>_<

紫靈姬

原帖由 神槍武鬥小丸子 於 11-1-7 13:45 發表

其實我初初同佢成日sms/msn個時已經想約佢,
可惜個時開始接近考試,佢又好多project要做,我個時約佢佢都未必會出...
我一早已經預左個考試會影響到我地=.=..
之後咪諗住考完試即約佢出黎,雖然約到..
不過都避免 ...

點先可以令到對方有好感
真係需要慢慢頻密見面一段時間
而且再加上你既表現
今個星期唔得 咁你可以到下個星期再問下佢幾時得閒
有陣時都可以一齊做下功課 溫下書姐 唔一定出去玩既 咁都可以增進感情呀

神槍武鬥小丸子

原帖由 紫靈姬 於 11-1-7 01:56 PM 發表


點先可以令到對方有好感
真係需要慢慢頻密見面一段時間
而且再加上你既表現
今個星期唔得 咁你可以到下個星期再問下佢幾時得閒
有陣時都可以一齊做下功課 溫下書姐 唔一定出去玩既 咁都可以增進感情呀

我諗住過多幾日再試下約佢...
除左睇戲仲可以有咩做,而又hold得耐~
想約佢去迪迪尼玩..但好似有d....

紫靈姬

原帖由 神槍武鬥小丸子 於 11-1-7 14:03 發表

我諗住過多幾日再試下約佢...
除左睇戲仲可以有咩做,而又hold得耐~
想約佢去迪迪尼玩..但好似有d....

睇戲 唱k 打邊爐 放題 韓燒
呢類都可以hold一hr以上
約佢去迪迪尼= =350一張票 你負擔得起架啦
仲要未計食野 買精品啵

神槍武鬥小丸子

原帖由 紫靈姬 於 11-1-7 03:07 PM 發表


睇戲 唱k 打邊爐 放題 韓燒
呢類都可以hold一hr以上
約佢去迪迪尼= =350一張票 你負擔得起架啦
仲要未計食野 買精品啵

我帶佢去迪迪尼可以唔洗錢...
問題係佢會唔會肯同我去..始終呢個地方太浪漫
同埋我約佢去睇戲,佢拒絕,之後我話算啦諗住約你去玩,,佢就話可以呀,不過呢幾日唔得,
呢句說話其實暗示左d咩??

[ 本帖最後由 神槍武鬥小丸子 於 11-1-7 05:55 PM 編輯 ]

~傳說中的傻仔︻

原帖由 神槍武鬥小丸子 於 11-1-7 05:48 PM 發表

我帶佢去迪迪尼可以唔洗錢...
問題係佢會唔會肯同我去..始終呢個地方太浪漫
同埋我約佢去睇戲,佢拒絕,之後我話算啦諗住約你去玩,,佢就話可以呀,不過呢幾日唔得,
呢句說話其實暗示左d咩??

其實我忍唔住想話你一句           你真係好煩

唔係話你成日問問題煩          而係你個人好煩/性格好煩

你成日諗多左黎攪到自己好煩       之前咪講左你同佢只係普通到無得再普通既朋友

你就走去諗點樣奪取佢芳心呢?    個感覺就好似你岩岩先讀中一就已經諗緊讀邊間大學好

當然  你可以用奪取芳心黎當作推動自己既力量      可惜既係你將佢變成你既負累

做乜做乜都要以呢樣為出發點   

同你講    女仔好易就睇穿男人既行為   好快就可以判斷到對方想點     想做朋友定想溝佢

你下下表明你想溝佢       除非你係羅志祥或者吳言祖        如果唔係佢都會覺得你好煩

所以請你反省下       唔好咁煩ok?     試下純朋友角度去同佢做朋友先好無?

下下做到咁明顯       你不但會令人討厭         而且更將自己既層次大大降低      毫無品格可言


ps:紫靈姐唔好意思     搶左你條問題黎答/_\

[ 本帖最後由 ~傳說中的傻仔︻ 於 11-1-7 11:11 PM 編輯 ]

神槍武鬥小丸子

原帖由 ~傳說中的傻仔︻ 於 11-1-7 11:09 PM 發表



其實我忍唔住想話你一句           你真係好煩

唔係話你成日問問題煩          而係你個人好煩/性格好煩

你成日諗多左黎攪到自己好煩       之前咪講左你同佢只係普通到無得再普通既朋友

你就走去諗點 ...

明白了...為有變番好似岩岩識佢個時咁啦=[
我前前後後都用左幾個月,日子越拖越耐,
會唔會真係剩係變左做朋友...

紫靈姬

原帖由 神槍武鬥小丸子 於 11-1-7 17:48 發表

我帶佢去迪迪尼可以唔洗錢...
問題係佢會唔會肯同我去..始終呢個地方太浪漫
同埋我約佢去睇戲,佢拒絕,之後我話算啦諗住約你去玩,,佢就話可以呀,不過呢幾日唔得,
呢句說話其實暗示左d咩??

如果你係真心喜歡對方 你可以花時間慢慢陪住佢身邊默默咁支持佢
有某啲人都會明白到愛一個人唔一定要得到
自己好難控制到自己既感情 就會用時間去打動對方
亦會有成功 亦都會有唔成功 但都會無怨無悔
真實案例真係有好多 但究竟有幾多個可以維持到最後令到對方被打動
喜歡人 唔係不停咁想強逼人約會或用金錢黎打動對方 對方就算答應 都只係敷衍你 或者只係當你水魚
咁樣所換黎既感情 你會開心嗎
正如聰明仔所講 女仔真係會好易察覺到你當佢係朋友還是追求者
如果對方同樣對你真係有好感 佢就算幾忙都會答覆到你一個時間
並唔係好似搵藉口推掉你既約會 就算你真係會出動到迪迪尼票可能對方都唔會心動
再者>_<我係姐姐啦
我唔覺得迪迪尼係一個浪漫既地方 只係一個喜歡迪迪尼人物既王國~.~
女仔所謂既浪漫並唔一定需要金錢 其實可以好普通
一般既夜景 例如 維多利亞夜景 飛鵝山夜景 汀九夜景
一般既海景 清水灣 淺水灣 之類 最緊要都要係睇對方係咪對的人

紫靈姬

原帖由 ~傳說中的傻仔︻ 於 11-1-7 23:09 發表



ps:紫靈姐唔好意思     搶左你條問題黎答/_\

我突然間有點呆姐>_<
我以為我講錯啲咩要你幫我更正

大餅^0^

原帖由 ~傳說中的傻仔︻ 於 10-12-23 06:51 PM 發表


約啦     diy禮物都肯整比你

證明你係佢心目中都佔有幾重既份量     係聖誕節約佢出黎暢遊一番啦

一黎可以加深大家既關係      二黎可以令佢對你提高好感

祝你成功~

最近, 佢都對我幾熱情下, 但係只係係2人一齊GE時候, 重成日2個人一齊落屋園平台到玩, 不過係班上佢時冷淡右時熱情, 咁係咪表示

佢唔想比人誤會我地, 而佢只係對我有好感, 右不至於中意我?? 因為係星期五, 本來我地都約好左一齊玩, 但係個制服團體MISS突然搵

佢出總部, 佢就叫我唔洗等佢自己返去先, 當我返到屋企, 我SMS搵佢吹吹水, 佢就叫我返學校幫佢手, 我當然豪不猶豫就返左去幫佢

啦, 我地都做做做做由4點做到差唔多6點, 之後佢都主動叫我第二日陪佢出總部, 重講左句莫名其妙GE說話 ''我覺得你有陰謀, 你實會

屈我請食飯'' 我而家後悔冇答 ''你唔比我係因為想幫你而幫你嫁咩?'' 第二日佢都冇去到總部, 自己出左MK, 我問佢做咩唔叫埋我(扮嬲

嬲地), 佢就答''至多我返到黎你陪我落去玩丫'', 當時都有一個好好GE環境, 我只差膽子比我表白

重有一件事, 就係有個FD係到9傳我有女朋友, 搞到個女仔都以為我有女朋友, 咁會唔會影響到我表白嫁??如果佢拒絕我, 應該點收拾殘

局??

[ 本帖最後由 大餅^0^ 於 11-1-9 03:21 PM 編輯 ]

~傳說中的傻仔︻

原帖由 大餅^0^ 於 11-1-9 03:18 PM 發表

最近, 佢都對我幾熱情下, 但係只係係2人一齊GE時候, 重成日2個人一齊落屋園平台到玩, 不過係班上佢時冷淡右時熱情, 咁係咪表示

佢唔想比人誤會我地, 而佢只係對我有好感, 右不至於中意我?? 因為係星期五, 本來我 ...

我又覺得個女仔表現係正常        

佢雖然對你有好感姐       但係唔會厚面皮到係膽係成班人面前都對你熱情掛?

相反得2個人個時    佢又肯對你熱情      

其實代表左佢對你有好感   什至乎可能鍾意      只不過唔想係其他人面前表現出黎姐

你都唔想你地之間既關係/事情       成日都比班上既人周圍唱掛?

至於你朋友鳩傳單野         唔洗理佢啦

只要你繼續真心對待而家個女仔      再係時機來臨個時同佢表明心聲      再食住個勢上解釋自己根本無女朋友

所有事情都會迎刃而解      更加會令佢覺得你份人好誠實     亦都係真心咁對待你地之間既呢段感情~

放心啦    就咁睇你勝算都真係好大

同埋做事唔好成日諗壞個方面好唔好?   

明明都好大勝算  係要諗自己輸   即係無事搵事煩

小小建議:

其實佢都話你會屈佢食飯     何不真係用呢個藉口黎約佢出黎食飯呢?

順便係個晚同佢表白          一舉兩得!!

[ 本帖最後由 ~傳說中的傻仔︻ 於 11-1-9 05:27 PM 編輯 ]

紫靈姬

大餅勝算在望喎
都係個句機會要靠自己增取
好感呢樣野好快有亦可以好快無
所以一切都真係要時機同你自己既勇氣
如果下一次真係有適當既時機 請你真係好好咁把握機會當面表白
無論成功與否至少自己都有盡力過 無怨無悔呀