開紅態度研討會

pomasato

對於遊戲開紅機制, 本人是持正面開放的態度
「人在江湖, 身不由己。」九陰作為一隻江湖遊戲,
開紅殺人是再正常不過的事。
在遊戲過程中, 經常發覺很多玩家會定下很多「規矩」禁止其他人開紅殺人
並視殺人為「搞事」, 最後甚至引申出連劫鏢、打綁匪都會觸發全城追捕、幫會仇殺的問題
組隊開紅、劫鏢、殺新手、刺探100% 殺掛機巡邏、搶點, 這些真的有問題嗎
弱肉強食, 是再正常不過的現象, 輸家只能怨自己實力未足
怕死的, 找個隱蔽角落躲起來掛機不就沒事嗎?
也可以選擇幾個人三五成群伏擊一個比你強的人
一個自由的遊戲, 大家何必要施加諸多限制, 扼殺其可玩性?
坦白說, 我是一個愛殺弱者的人, 也是一個經常被殺的弱者
這只是純粹討論, 歡迎大家發表意見

黑薔薇

我剩係殺敵對幫會既人,初_門徑到登峰都照殺,其他唔係敵對既一概唔搞,就算你係綁匪路過我身邊都唔會搞
咁我呢種態度算唔算好?

卓大濕

pomasato 發表於 12-11-6 02:39 AM
對於遊戲開紅機制, 本人是持正面開放的態度
「人在江湖, 身不由己。」九陰作為一隻江湖遊戲,
開紅殺人是再 ...

你有你既做法,我有我既堅持,我相信即使係一個真正既世界,江湖都唔應該會係你殺我我殺你既

除非惡意攻擊,挑釁,咀炮之外,一般我都唔會開紅打人

tt重工業

人唔搞我我唔搞人
唔理新手定咩
搞到我就殺

呀Kk~

只係打殺新手,同敵幫

sam128

咁叫研討會 ? 你傾斜哂一邊任何情況開紅都得

如果人人都似你咁 咪一上線會自動死

仲打咩? 禁地 坐牢時間仲多過去禁地啦

風小邪

幾同意樓主既意見=,= 其實開唔開紅係你個人選擇~~入GAME已經有段野話係自由PK 你同意左入GAME...即係話你可以殺人亦可以俾人殺~~
我自己都間唔中俾人殺~~~但我覺得咁樣先似一隻PK GAME...一係走...一係搵人幫~~再唔係自己練習多D~~~
至於殺唔殺新手...又係你個人問題=,= 你覺得殺新手冇品? 你點知佢係新手0﹏0? 係老手既分身呢.﹏.?冇人知=,=
殺多左就會冇人玩0﹏0? 咁....隻GAME係咪應該開個和平服.....大家打下副本...做下生活技能...跟住慢慢D人覺得悶...冇野玩0﹏0 隻GAME又係玩完=,=
其實每隻GAME都有特點都有壽命...睇下佢吸唔吸引到你留底=,=
我自己都係新手=,= 被殺冇所謂~~因為人地比我強=,= 偷打都唔緊要=,= 呢D又係佢既戰術....如果咩都拉到人品去講....自己弱就賴人地唔就住你...好難生存喎~_~"

v21235

開紅殺新手一定最無聊同最無品
全因呢班人渣,先搞到遊戲少好多新血

卓大濕

風小邪 發表於 12-11-6 10:46 AM
幾同意樓主既意見=,= 其實開唔開紅係你個人選擇~~入GAME已經有段野話係自由PK 你同意左入GAME...即係話你可 ...

自由pk唔代表叫你將人性放底, 素質何在?  殺一個小號唔理佢係分身定係新手,只會令我覺得一個人,只可以係d新手上面找自信,悲哀
就樓主所講"組隊開紅、劫鏢、殺新手、刺探100% 殺掛機巡邏、搶點"
里面其他我冇意見,但係殺新手真係唔diu唔得 , 人地岩岩入黎玩,咩都唔識,仲可以劈得咁開心,我只能講樓主人品k形

pomasato

卓大濕 發表於 12-11-6 11:19 AM
自由pk唔代表叫你將人性放底, 素質何在?  殺一個小號唔理佢係分身定係新手,只會令我覺得一個人,只可以係d ...

我覺得呢個又唔係自信唔自信既問題~
有時為無聊, 有時為刷惡, 各有原因
咁有時開得紅殺人, 緊係搵比自己弱既人下手
唔通單槍匹馬果陣搵個同自己咁上下既殺?
當然, 我上面殺新手既意思並唔係指日日顛Q左咁淨掃新手
我只係想指出一個PK遊戲緊係人殺我、我殺你架啦~
唔通真係日日團練生活踢館刷禁地咩-_-
更何況, 殺新手解任又唔會阻到佢地升內
問題何在?

雖然係咁, 我仍然反對開紅為搞事果d, i.e 係人寶地阻人團練

5535269

全部都係偽君子扮哂野

卓大濕

pomasato 發表於 12-11-6 01:25 PM
我覺得呢個又唔係自信唔自信既問題~
有時為無聊, 有時為刷惡, 各有原因
咁有時開得紅殺人, 緊係搵比自己 ...

你以為殺左佢唔阻到佢升內功就OK了?

新手唔係機械人,你當人地冇感情既,唔洗話癲啦,你去刷惡洗佢百草,D新手會覺得點

我一D都唔覺得得閒開紅就要去殺新手,新手入黎唔係為左比你殺
單純既屠殺我完全唔覺得有意義,或者你生活壓力大到要咁樣發洩
而且你唔好針對pk遊戲呢個字眼,官方只係話自由,唔係主張,人地冇迫你去打,你唔好話奉旨殺人

最後,我相信你比人阻團練既心情會同新手出黎比人洗百草一樣

Ｔaｉ

隻game講到明係自由pk

人地鍾意點玩係佢既事

可以周圍殺人都係隻game既特色黎-

新手怕比人打到咪去祈福囉

隻game唔係冇系統去保護新手, 係d新手識唔識去認識隻game既系統姐

玩自由開紅既game都要睇人黎殺, 咁點解要玩九陰...去玩返d pve game仲好

卓大濕

如果一入黎就知道祈福可以開pk保護既話戈d仲點算係新手,戈d叫分身

無錯佢講明自由pk,但係殺人同殺新手已經係兩個情況,毫無反抗能力,強姦心理?

樂思

其實咁講....
我覺得你講的開紅殺人論點係無錯,隻game講到明係自由PK都無錯
唔通俾支搶你就出街殺人 俾你言論自由就粗口罵街 ???

古烈

當你團練比人清團,果種感覺就係新手比人屠殺ga感覺

︽．︽

我基本上係長開紅的(幫會/良民)
因為我本身係捕,一見犯可以打
加上你開左紅,之後再轉地圖個身D紅色氣冇晒,,根本冇人知你開左紅~.~

PCL

討論都晒氣,我只想信事實
人流反應事實吖,要繼續無視都冇辦法
你地係到玩死自己之嘛,唔好再話官方剩係識得炒短線遊戲,話冇隻玩得長

卓大濕

咪就係,成日話港服冇人玩啦又咩又七咁,自己搞衰隻GAME仲係度開研討會,圍插會就有你份

牙丁仔

樓主 憑你講既野
如果你開名/知你名 我就追梗你黎殺