感情煩惱、疑問、聊天室~ 有問題歡迎提出~ (#1有小弟寫既戀愛技巧 可睇完再問)

~傳說中的傻仔︻

因為近日都有數名會員私底下pm我    想我為佢地既個案比小小意見

但係我覺得憑一己之力始終有限     所以選擇開呢個聊天室~

開呢個post既意義唔係為左賣弄自己既愛情知識

只不過眼見有好多朋友有各種疑問或者煩惱         所以想開一個集中既post以供比佢地發問~

係呢度      有我呢個傳說中既傻仔黎幫大家比意見

單戀/明戀/暗戀/第三者/偷食/同性戀既問題等等         我都會盡量企係中立既角度黎提供最好既方案比大家

所以    歡迎大家黎呢到發表你地既感情煩惱   

當然除左我之外    亦都好歡迎另外既會員一齊研究需要幫助既個案   從而可以有更多既建設性意見~

而小弟之前曾經都開過幾個post係關於感情上既小小技巧   

或者大家發問之前可以睇下先      會唔會入面有你想要既答案呢?


『戀愛小技巧』系列
<了解篇>:http://www.2000fun.com/bbs/viewt ... AA%BA%B6%CC%A5J%A1k
<溝通篇>:http://www.2000fun.com/bbs/viewt ... AA%BA%B6%CC%A5J%A1k
<約會篇>:http://www.2000fun.com/bbs/viewt ... AA%BA%B6%CC%A5J%A1k
<表白篇>:http://www.2000fun.com/bbs/viewt ... 9609&highlight=


最後     希望大家可以多d係入面一齊研究下感情上既問題         亦都歡迎各位提出意見~  

謝謝











[ 本帖最後由 ~傳說中的傻仔︻ 於 11-5-5 10:12 AM 編輯 ]

神手一個

我想知一對情侶可以點增進感情啊?????

~傳說中的傻仔︻

增進感情不外乎溝通同埋製造共同回憶呢兩步

溝通需要話題      而話題就係平時我地留意身邊事物而儲存起來

當溝通多左     會讓你地彼此更加多了解      藉此可以清楚雙方     從而增進關係

製造共同回憶    就係約佢出黎     一齊食飯/遊玩等等

藉住共同既活動     黎增加佢對你既印象      咁樣會令你個人係佢心目中更加立體   亦都可以達到增加關係既效果~

youkiuken

佢總係當我係佢既(朋友)...我個FD問番黎既!!
只有SMS既傾計,佢都知我鍾意佢....
應該點做好呀...咁多高手教教點做好-0-

[ 本帖最後由 youkiuken 於 10-12-19 03:11 PM 編輯 ]

justinma07

我有次係msn到同個女仔表白左啦
咁佢冇咩反應比我,咁我好sad啦,以為佢唔接受
過左冇耐,我就諗住駁下,約佢出街食飯啦
點知佢肯喎
之後我再約佢去睇戲,佢又肯
咁其實佢咁樣係咪接受我?
我d fd教我同佢親口表白多次,咁做好唔好呢?
希望各位可以幫幫手!!

~傳說中的傻仔︻

原帖由 youkiuken 於 10-12-19 03:09 PM 發表
佢總係當我係佢既(朋友)...我個FD問番黎既!!
只有SMS既傾計,佢都知我鍾意佢....
應該點做好呀...咁多高手教教點做好-0-

都係個句     唔可以剩係用sms黎維持你地之間既溝通

因為佢一旦習慣用呢種唔洗露面同埋出聲既方式同你溝通    你就會好難係現實入面同佢拉近距離

既然佢已經知你鍾意佢      何不大大方方咁係現實入面同佢傾計?

你剩係夠膽係sms同佢傾計    反而比佢覺得你唔大體

堂堂一個男人都唔夠膽都搵佢傾下計  

比你係個女仔   你仲會唔對一個無勇氣既男仔有所期待呢?

結論:打蛇隨棍上   反正佢都知你鍾意佢    真人搵佢傾計

一黎可以增加你地之間既關係         二黎可以試探下佢對你感覺如何   

一舉兩得既做法        希望可以幫到你啦~

~傳說中的傻仔︻

原帖由 justinma07 於 10-12-19 03:21 PM 發表
我有次係msn到同個女仔表白左啦
咁佢冇咩反應比我,咁我好sad啦,以為佢唔接受
過左冇耐,我就諗住駁下,約佢出街食飯啦
點知佢肯喎
之後我再約佢去睇戲,佢又肯
咁其實佢咁樣係咪接受我?
我d fd教我同佢親口表白多 ...

msn表白係一種最笨實既表白方式黎       因為係最唔可信、無誠意既一種方法

不過既然你都做左      就無謂再罵你~

依你咁講   你msn表白完之後佢都肯同你出街食野、吹水等等

咁既情況   可能有幾種可能性:

1.)佢扮無事發生   

因為你係msn表白   當你同佢出街個時如果你隻字唔提

佢就可以明正言順咁當乜事都無     佢心諗:我只係同朋友出街      

同朋友出街只係一種正常既社交活動       佢直接將『接唔接受你好』呢個問題拋開    咩事都無發生過~

2.)佢可能對你有d好感

其實佢對你印象或者唔差      係你msn講完之後比佢知道原來你都係鍾意佢

佢或者想藉住出街黎確認一下自己同你有無發展既空間        所以先應承同你出街~

3.)佢根本都鍾意你

佢或者都鍾意你    雖然你表左白    但係只限於msn一途

女仔都係鍾意浪漫   佢想同你出街   或者想你親口講多次    咁佢就可以明正言順同你一齊~


總言:

其實你msn表完白後都肯同你出    佢應該對你好感都唔低

除非佢真係將你msn表白段野視而不見   咁我就無野好講~

我建議你可以同佢今次出街個時順便親口講多次     如無意外就成功架啦~

祝好運~

youkiuken

原帖由 ~傳說中的傻仔︻ 於 10-12-19 06:31 PM 發表



都係個句     唔可以剩係用sms黎維持你地之間既溝通

因為佢一旦習慣用呢種唔洗露面同埋出聲既方式同你溝通    你就會好難係現實入面同佢拉近距離

既然佢已經知你鍾意佢      何不大大方方咁係現實入面同 ...

55..我都知咁樣唔掂...但係打卑佢/現實同佢傾計...自問講野/講笑唔係唔掂...但係同佢就會好似咩都諗唔到咁  淆晒低
唔知同佢講d咩好~!

~傳說中的傻仔︻

原帖由 youkiuken 於 10-12-19 07:10 PM 發表


55..我都知咁樣唔掂...但係打卑佢/現實同佢傾計...自問講野/講笑唔係唔掂...但係同佢就會好似咩都諗唔到咁  淆晒低
唔知同佢講d咩好~!

咁你自己衡量下    係唔係接受到因為無勇氣而白白放棄一個機會呢?

睇下我個溝通篇既小技巧    入面有數個可以幫助你同佢傾計既方法=]

justinma07

樓主,你個表白篇既連結錯左,都係約會篇,麻煩你改改佢 :)

~傳說中的傻仔︻

感謝提醒= =

我個答案幫唔幫到你呀~?

justinma07

原帖由 ~傳說中的傻仔︻ 於 10-12-20 04:46 PM 發表
感謝提醒= =

我個答案幫唔幫到你呀~?

好正呀唔該
我覺得第二個可能性高d
咁如果佢對我有好感
我要點做先可以令佢由好感變鐘意我呢?

hoyin2234

入來支持一下^^"



P.S先跟各位說聲抱歉 因為要準備高考

所以小弟都難以抽空去解決各位的疑難

可以做的 只有維持此版秩序

現在解答疑難的責任 先暫時交給各位^^"

有空的時候我都會多上來的^^"

~傳說中的傻仔︻

原帖由 justinma07 於 10-12-20 07:15 PM 發表


好正呀唔該
我覺得第二個可能性高d
咁如果佢對我有好感
我要點做先可以令佢由好感變鐘意我呢?

呢個時候    感覺係最重要    而你都係要比心機去整出黎

你要令佢同你一齊個時      有開心既感覺

你要令佢同你傾計個時      有可靠既感覺

你要令佢同你互相了解時   有種可以依賴既感覺

而感覺點整出黎呢?   

就係當你同佢一齊時    表現多d你好既一面出黎  

令你既形象/性格       係佢心目中更加明顯  

而呢一步可以令佢對你既理解加深        同時間亦有可能由佢對你既『好感』升級為『鍾意』

關心多d佢啦      反正佢都知你鍾意佢      表現熱情少少亦不為過

但係當你見到佢好似有d抗拒時    就要見好即收     以免適得其反~

大餅^0^

我係今個新學期中意左個女仔, 基本上大家學期初係完全唔識對方GE, 大家電話唔同

台, 上個月尼尾, 佢叫我買張同佢同台GE, 大家一直腥SMS關係都好好嫁, 我大概係呢

個時候中意左佢, 有時係facebook唱下大家反調...

直到最近考試日子, 由於我係留班生, 佢有咩唔識都問我, 右因為大家住係同一個屋園,

佢有時都主動叫我落平台教佢, 我都有時借溫書做籍口黎見佢, 有時大家溫完書佢會同

我講下佢D野呀 秘密咁, 右叫我咩佢4圍行, 最近天氣大轉變凍左好多, 佢叫我去佢果冰平台電梯口到溫,

佢當時坐離我好近, 星期六果日佢竟然主動約我考完試第日去海洋公園, 我當然認為係

大好機會啦, 我下定決心當日同佢表白嫁, 之後佢突然話老豆唔比, 我當時都算, 琴日有

第個同學話我地成日灑花槍, 佢右突然係班M群到話我好煩, 唔想理我, 我果下真係好

DOWN, 差D想喊, 但係佢今日係學校都對我冇變到, 一樣咁好, 但佢SMS只係覆我單

字, 我而家唔知點好, 好想佢好似之前咁, 我覺得佢係介意人地話我地灑花槍, 我可以點

做呀??

[ 本帖最後由 大餅^0^ 於 10-12-20 11:07 PM 編輯 ]

~傳說中的傻仔︻

個問題係個女仔係sms/msn上面對你冷淡      而現實又對你幾好?

你可以嘗試下係現實入面試探一下佢對你究竟係點

例如可以講小小暗示性說話: 你覺得我份人點呀?/ 同我一齊玩個時係唔係都幾開心?

因為通常個情況係調番轉     就係msn熱情 /現實冷淡

所以我建議你可以係現實入面多d了解佢      又或者兜口兜口面問佢:點解你msn個次話我煩既?

反正佢係現實都對你唔差     你直接小小問亦唔會引起佢反感

希望幫到你啦

大餅^0^

我都有面對面問過佢覺得我份人點, 佢話覺得我份人唔錯, 但係如果我問佢做咩果次話

我煩右好似顯得自己好小氣咁, SMS問右驚佢話我煩, 佢一用冷淡GE單字回我我就好

SAD喇, 而佢冷淡係由MSN果次先開始咁

而重有一個問題係, 咁ge情況重宜唔宜表白, 重有係右冇咩機會約到佢出黎

[ 本帖最後由 大餅^0^ 於 10-12-21 01:59 PM 編輯 ]

youkiuken

一個追緊既女仔.佢都知我鍾意既係佢...咁我唔知送唔送聖誕禮物好啊@@?
咁送咩好呢~!幫幫手

Knight_雲冷

字海加書面語唔知你有無興趣睇…

主要係個人問題…

http://www.2000fun.com/bbs/viewthread.php?tid=4448739&extra=page%3D1

對自己總結黎講就係無咩自信

眾裡尋她千百度

好不容易先搵到個真係好有feel既 但又唔想放手...

但人算又不如天算 儘管我叫做下過決心打算去講

但又始終無機會…

以下內容hide 一 hide 我始終淆 (ry

如 果 你 想 觀 看  隱 藏 內 容 ， 請 按 「 讚 好 」

或 「 回 覆 」 。

本身我同佢就係上同一種運動既課程

而我早過佢玩叫做師兄

但實際上佢大過我一年

最初識果時 叫做有sms 有出黎唱下k

見到面 得我地2個果陣都會有講有笑

之後到佢Exam

個運動課程既教練都好睇重學生既學業成績

之後響佢Exam果時 個教練好似同佢講過d野 之後連sms都少左 (詳看原post.... 教練 = 中間人)

而家佢Exam完 但到我就黎Exam

因為我之前test得好差 個教練要我讀番好書 而果晚個女仔又響到

我感覺上個教練有心比佢知道 我同個教練作出承諾去讀好佢...

(果晚得4個人 除左我同個女仔同個教練就得個女仔既Fd 之前本身有人 都比人叫左番屋企)






最近 佢一exam完就開始有番sms既溝通

但近幾日差唔多放假又少番

不過之前我問過佢可唔可以幫我溫書 而佢都話個得






而家我就煩緊

到底 我應唔應該同佢表白

最怕佢最後連堂都唔上見唔到面

字海... 抱歉

~傳說中的傻仔︻

原帖由 大餅^0^ 於 10-12-21 01:45 PM 發表
我都有面對面問過佢覺得我份人點, 佢話覺得我份人唔錯, 但係如果我問佢做咩果次話

我煩右好似顯得自己好小氣咁, SMS問右驚佢話我煩, 佢一用冷淡GE單字回我我就好

SAD喇, 而佢冷淡係由MSN果次先開始咁

而重有 ...

咁你想繼續忍受冷淡?  定係想搵出真相呢?

無任何事有絕對把握     但係我覺得佢其實之前對你印象唔錯

可能係某件事情先令佢既態度開始轉變     唔通你唔想知道咩事?

我覺得你可以一問   

如果佢仲係冷淡對你     你就要再諗一諗呢個女仔係咪仲適合自己呢?

連咩事都唔可以坦誠相對既人     仲適合係埋一齊?

相反   話唔定你一問之下可以發現問題所在    令你及時改善而令你地既關係更進一步

所以   問下啦~

另外呢個情況係唔岩表白       因為而家個情勢絕對係對你不利

亂咁表白    只會令你之前所付既努力白費~