我在黑社會的日子I～＜完＞

鋼牙章魚丸

原帖由 ~傳說中的傻仔︻ 於 10-12-21 11:00 PM 發表



係我小說沒有不死呢回事a.a

thchan96

波哥不死!!!

fgh14798

原帖由 鋼牙章魚丸 於 21-12-2010 11:21 PM 發表

~傳說中的傻仔︻

第四十四話:收復失地

「浩飛,同我叫哂兄弟落拳館等.」

「波哥,有大件事攪?」

「係,今晚我就要去收番我另外一半既地番黎;

深水步唔需要兩個牌頭話事,有我凌成波就夠哂.」

「但係會唔會影響『東英』個邊?」

「放心,有事我攬哂上身,我半粒鍾內番到,同我盡call.」

「收到.」

我收回電話放進袋裡,然後快速地乘上的士.

(而家攪正左矮仔明,我就順住個勢上剷埋『盛聯』,收番深水步!)

幹掉矮仔明後我沒有猶豫,借著氣勢且一鼓作氣,

今晚我便要拿回我應得的東西,深水步的地盤!

回到拳館後,只見浩飛、世軒早已在磨擦著開山刀,

而兄弟早已到達,開始準備著他們所需的『架生』.

「波哥!」眾人見我回來並異口同聲地叫喊我,

「波哥,點解你周身係血..?」

提出問題的是世軒,見他身形結實不少,

看來他沒有一刻偷懶,這正是我所需要的門生.

我沒有回答世軒,默自走進他們的中間,

「大家!!係唔係好奇怪我叫哂你地黎,而今晚我地既目標係炒起『盛聯』,

我地要拎番深水步既地盤,我地『華興』唔係好蝦!!」

「沒錯!!」

「屌,一早睇班『盛聯』唔順眼!」

眾人皆付和我,而氣氛亦立刻變得高漲!





「就係半個鍾前,我攪正左矮仔明;我就順手今晚攪正埋西街班撚樣,

『盛聯』既契弟我見一個殺一個!!」

我高舉右拳,把說話更增添氣勢,

「波哥好野!!」

「波哥落order,我第一個就斬柒班仆街!!」

在埸約有四十多名兄弟,每人也對我的說話充滿信心,

「good,大家抖多陣,兩個字後出發!」

然後我走過去,亦拿毛巾擦一擦面,

「波哥..你攪正左矮仔明...?」

浩飛過來詢問我,

「我遲早就攪正埋阿man!」

我一把將毛巾掉向地面,以宣洩我對他們的不滿.

突然,有一個人破門而入,

「波..波哥!」

進來的是我其中一個門生--鐵打酒,眼看他神情慌張,

「做乜?」

「我頭先出去後巷諗住小便,點知我見到西街個邊好似好多人影行黎行去;

我就去睇下咩事,我見到傻狗班哂馬,仲過緊黎呀!」

我亦不禁一驚,難道他已經知道我幹掉了矮仔明?

我忽然想起剛才矮仔明在碼頭看見我時,立刻與他的近身說了俏俏話,

可是我之後只顧著追殺矮仔明,而忽視了那名近身的存在.

(唔通個條友報寸,傻狗就帶隊想黎收我皮先? 『盛聯』入面咁有腦既人...唔通係佢!

如果係咁,我地而家無左先機....硬食啦屌!)





「我知發生咩事,你埋去拎架生.」

鐵打酒聽從我命令,立刻過去準備.

而我則站起來,向著身後的兄弟道,

「『盛聯』班契弟而家黎緊,兄弟我地上!」

「好!」

「殺佢地老母!」

而浩飛與世軒也充滿雄心,準備在一會的撕殺中大開戒.

我們一行四十多人走出拳館,走到東街與西街的十字路口時,

看見早已在那裡等候的傻狗與他身後的一眾『盛聯』門生.

「凌成波,明哥係唔係比你攪正左!」

傻狗在上次狙擊我後,一直在等待機會能夠幹掉我,

我手中鐵棍遙指傻狗,然後放出一副恥笑的樣子,

「條矮仔係比我攪正,又點?」

傻狗聽到我說之後,竟然是在喃喃自語,

「大師又真係講岩左...」

大師這個名字,印證我剛才的想法是正確的,

(果然係條肥仔,頭先個近身一定係同佢講矮仔明見到我;

佢亦都估到矮仔明今晚死緊,所以想先發制人,

佢想快我一步打埋落黎東街,但係佢估唔到我竟然食住個勢上打番佢地.)

大師這名智囊果然深不可測,幸好我也不是一名容易猜度之人,

只見傻狗雙眼充滿怒火,然後他大喝一聲,

「斬撚死班『華興』仔!」

而我亦馬上回應傻狗的說話,

「兄弟,拎番我地本來既野!!」

我們各自身後的門生一湧而上,為這埸街頭撕殺掀開序幕.




傻狗的人馬約有五十多人,比我們多出大概有十個人,

數量在伯仲之間時,所著重的便是質量.

『華興』的入門後必守條件,便是每天也要抽出兩小時練習格鬥,

做成每人也在格鬥方面頗為出色,所以在數量上的劣勢並沒有帶給我們不安.

相反我們戰意高昂,每人也享受著撕殺的過程,

世軒、浩飛兩大猛將手起刀落,對方瞬間已有三至四人倒地不起,

可是戰埸的核心往往是主將間的決戰,我與傻狗便是這埸勝負的關鍵.

「凌成波,上次攪唔正你,今晚你就係咁大先!」

「呢句野我聽過好多次,係有料就黎!」

我倆瞬間踏步向前,剛猛直拳直往對方身上打去,

「砰!」一下巨響,

我仍然站在原地,可是傻狗的身形卻退了三步,

拳擊力的比試上,可見傻狗比我略遜一籌.

我擦一擦心胸,傻狗的拳力雖然不弱,

可是比起我之前所遇到的對手,也是不值一提.

相反傻狗的表情有點驚恐,他似乎想不到自己是那樣不濟,

「收野啦!」

我藉著傻狗沒有反應過來,疾腿橫劈在傻狗的面,

傻狗倒也不笨,提起雙手就要格擋,

「boom!」

結實的碰撞聲把傻狗再次擊退數步,主將間的實力已有明顯的差別.

此戰孰勝孰負,似乎不難預料;

真正難預料的是變數,而戰埸往往充滿變數,

「凌成波!」

當我以為十拿九穩之時,一名足夠扭轉戰況的人竟然出現......

(待續)

[ 本帖最後由 ~傳說中的傻仔︻ 於 10-12-22 10:12 PM 編輯 ]

fgh14798

星期3炸喎

~傳說中的傻仔︻

原帖由 fgh14798 於 10-12-22 10:13 PM 發表
星期3炸喎

唔鍾意既我可以del番佢   

fgh14798

原帖由 ~傳說中的傻仔︻ 於 22-12-2010 10:14 PM 發表



唔鍾意既我可以del番佢   

我岩岩睇完

winnerwalter

係肥軍定係基佬文??

Ｓａｖ＿月

唔通係MAN哥!!

~傳說中的傻仔︻

大家想聽日睇阿朗既外傳定下一篇

鋼牙章魚丸

最好打孖上

~傳說中的傻仔︻

陳逸朗外傳-- 平安夜的狙擊(上)


「阿朗,平安夜到啦wo,諗住點過呀?」

身旁的玉面狼問道,這使我回想起第一年當卧底時的平安夜.

還記得那一年......

(陳逸朗,就黎到聖誕節,同我睇實你班大佬既埸,睇下有無料到.)

劉sir的秘密命令使我在今天也集中精神,留心觀察有沒有特別事情發生,

「今晚係平安夜,大家玩得開心d啦!」

電視機上的廣告洋溢著幸福的氣氛,可是對於我這個卧底來說,

這一個又一個的畫面,好像充滿了諷刺的意味.

二零零四年,已經是我當卧底的第三年,

在這三年來我向警方秘密提供線索,恊助警方捉拿『東英』不少重要人物,

成功使他們入罪的機率更高達七成,所以上頭繼續向我委以重任.

(劉sir,我幾時先可以甩身?)

(快啦...只要夠料鋤到『東英』個葡萄,你就可以甩身...)

兩個月後葡萄突然被擊斃,而手法更是黑道中人所做成,

那一刻我真的很開心,因為應該可以回歸警隊吧.

(唔得,而家個時機未到,你要睇實佢大佬史王輝.)

(但係你又話....)

(This is an order!)

(......)

就這樣,我又被迫在『東英』混下去,

而因為葡萄的死亡,做就成我上位的機會.

「阿朗,因為葡萄打左柴,而我不嬲覺得你做得野,

如無意外既話,你下個月就會升為八掌舵之一.」

與我對話的是姚盛康,『東英』龍頭的近身兼智囊,

為人聰敏且轉數極快,被稱為『東英』的大腦.

「多謝康哥.」

「係做得野既我有眼睇,但係如果係無料既我會一腳踢開佢,咪撚阻住哂.」

他那雙眼充滿智慧的光采,更好像能看穿別人心底的秘密.

無論如何,我總算在三年間由藍燈籠升上掌舵,也成為了『東英』的明日之星.





「朗哥,今晚平安夜,去邊度玩呀.」

「無呀,都係番屋企自己一枝公.」

「做乜唔落場玩呀?今晚大把寂寞芳心等朗哥你慰藉wo.」

「玩野呀,田雞.」田雞是我的近身,

在三年前我剛剛踏入黑道時已經與他稱兄道弟,

他為人有點貪生怕死,但是對『東英』極為忠心,

更相信自己未來可以在黑道中大放異彩.

「朗哥,其實我發覺你都幾自閉;我地班兄弟玩個時你又唔太埋堆,

又唔肯同我地影相,又好似無乜朋友咁,唔知我真係以為你係二五仔.」

田雞的一番說話直插進我的內心心處,我卻鎖定地回答,

「係呀,我係二五仔呀,我而家就拉你去閹.」

說畢作狀攻擊田雞的小弟弟,

「講笑咋,朗哥.」

我倆在夜總會內玩耍著,不夠我便看見有一批人進來,

我一眼便認得他們是『謝記』的人,而接頭的卻是我們『東英』的人.

「入黎個條友係唔係『謝記』個振安?」

「係呀,佢後面個咪係最當打個刀疤,振安咁惡都係靠佢咋.」

田雞回答我,而我卻注視著我的目標,

(睇黎今晚有料到...過去睇下咩料先.)

「喂,暴龍!」

我大喊一聲,遠處的暴龍看見是我後馬上大笑起來,

「阿朗!你又係度既?」

我緩步走過去,然後便向身邊的振安笑了一笑,

「呢個係..?」

「我係『謝記』振安,原來你就係呢期上哂位個陳逸朗,幸會哂.」

「哦..你地傾生意..?」

「係呀,阿朗,我地諗住傾下d粉..!!」

暴龍似乎覺得自己說漏了口,馬上止聲不說.



(d粉...!!)

果然是有收獲,但是熟練的我懂得處理這種情況,

這時我絕不能急進,否則可能會引起反效果.

「明既明既,你地慢慢傾,我走先.」

然後我轉身就走,田雞亦隨著離去.

離開夜總會後,我看看時間正是八時,

(今晚係平安夜...警方既注意力肯定放哂落管理人群,

班友仔如果要交易,肯定係d山卡啦地方...)

「田雞,我番屋企先啦.」

「真係唔去同我地落disco呀? 好多女wo.」

「唔啦,有d累,我想番去抖下.」

「咁好啦,如果改變主意就call我啦.」

「嗯.」

我與田雞道別後並沒有離去,只是在夜總會附近的餐廳等候,

我要抓緊時機,把這些害群之馬一網打盡.

可是天公未能事事也從人願,我在餐廳等了快三小時,

還是沒有任何風吹草動,難道要放棄了嗎?

(唉...食白果...)

可能他們只是在傾談生意,今晚可能不會行動,

(算啦,番屋企算.)

付款後我便離開餐廳,正當我再注視著夜總會的大門時,

(佢地出黎啦wo!)

暴龍與振安竟然同時步出夜總會,只見他們身後有十多人,

暴龍在指手劃腳,像向身後的人下達命令,

然後他便與振安一同離去,剩下的只有那十多人,

而我卻認得帶頭的那人,他便是暴龍的近身---阿卡.



(一定係落order叫佢地做事,總算無白費時間.)

事情突然峰迴路轉,我當然不肯放棄任何機會,

阿卡帶領那十多人登上面包車後便出發.

可是這是正值十一時,路上並沒有的士或小巴,

我更沒有駕駛私家車,難道我要眼白白看著機會溜走嗎!?

「咇..咇!!」

一下下的車鈴聲響起,竟然是田雞駕駛著電單車!!

「田雞!」

我仿如看見救星,而田雞正想回答我時,

我已經一把扯開他,然後奪了他的電單車,

「朗..朗哥你做乜呀!」

「借部野黎,一陣比番你!」

我腳踏引擎、電單車如風疾馳,向著那輛面包車追去!

幸好田雞來得及時,我登上電單車時還依稀看見面包車,

而電單車猶如飛馳疾箭,才一分鍾功夫便已經追上他們.

他們愈駛向偏僻的馬路,附近也沒有路燈照明,

能依靠的只有車頭的燈光,但為了不讓他們發覺我跟蹤,

我只好冒險關掉車頭燈光,在黑暗中緊貼著目標.

然而卧底的責任也是如此,在黑暗中追捕犯法之人,

如果稍不小心就會被發現,落得個死無莽身之下埸;

「吱!」

因為欠缺燈光,地上的水灘使我連人帶車趺了一跤,

「格..!!」

趺下時我左肩被車的把手位撞得發麻,痛得使我直冒出淚來.

(頂...好痛...)

幸好他們沒有發覺我在後方緊隨,而我亦咬緊牙關站起來,

卧底的精神使我捱著痛楚並登上電單車,再次向著目標出發!

(待續)

[ 本帖最後由 ~傳說中的傻仔︻ 於 10-12-24 08:08 PM 編輯 ]

Ｓａｖ＿月

正呀,今晚無街去有文睇

~傳說中的傻仔︻

個外傳吸唔吸引@.@?

winnerwalter

原帖由 Ｓａｖ＿月 於 10-12-24 21:35 發表
正呀,今晚無街去有文睇

同上

Ｓａｖ＿月

原帖由 ~傳說中的傻仔︻ 於 10-12-24 10:05 PM 發表
個外傳吸唔吸引@.@?

字數足夠,劇情不俗,唯沒有情慾戲部分,未能帶起劇情高潮,總體80分

~傳說中的傻仔︻

原帖由 Ｓａｖ＿月 於 10-12-24 11:17 PM 發表

字數足夠,劇情不俗,唯沒有情慾戲部分,未能帶起劇情高潮,總體80分

你覺得最吸引你既部份係邊個章節呢?

Ｓａｖ＿月

原帖由 ~傳說中的傻仔︻ 於 10-12-24 11:44 PM 發表


你覺得最吸引你既部份係邊個章節呢?

阿偉死個章同阿儀俾人輪個章

winnerwalter

原帖由 Ｓａｖ＿月 於 10-12-25 10:33 發表

阿偉死個章同阿儀俾人輪個章

我鍾意睇有釆蜜姐姐d情節wo

alan199772

新手 -]
1口氣睇哂60頁書 -]
我鍾意釆蜜挑逗波哥既情節