【活動】回到過去(想加分請進)

魔女之條件

金庸由當初開server大家仲係新手果時可能係最開心對呢個game最留戀既時候,大家有冇稔返起岩岩玩果時係點呢?又有冇cap低過一d舊相呢,請回憶一下你地既過去,分享下啦:)

每位回到過去既會員都可以得到20分

最好既額外有分加,歡迎各位而家仲玩緊或者好耐冇玩既會員,記得列明你既server同角色名啊

珍惜眼前人88

書劍一 俠客4  ~步驚天~  遊龍 魚皮   
其實本身我諗住寫下小小野 諗下回憶下點知打下打下就打左咁多字同念左咁多野出黎..呵呵....:D5


                                                            一. 初玩金庸

回想著剛剛玩金庸的時候是:D神鵰大俠的版本(個盒仲係到>﹏<vv) 那時候是玩書劍一的
原因是一班同學叫一起試玩吧(大概這樣)
想起當時要個個月也給七八十元真是蠻困難的 剛剛開始玩既時候連金代 伴侶......等等係咩都唔知!~:P
起初成班fd個個都唔知點玩 但有個fd佢家姐本身玩緊(書二)  佢(指那個fd)就叫我地入華山 話勁喎~
諗起個陣七八個人一齊入晒華山都幾搞笑..幾十lv就係馬洞p人 哈哈!~
(不要誤解我 我不是一些專p新手的乞丐>﹏<!)  就係咁經過左一些時間
學會了真正如何去玩金庸... 當然係要買金代啦 = =!~ 個陣大大話我個班都有十幾個玩緊金庸
個個返到學校傾金庸 都唔係聽書..haha.最記得個陣我地大概係係當時組織: 瘋狂殺人團 大佬仔~
當然我同我班fd都唔係咩勁人大角色 畢竟不是一開始就玩 但最記得係組織要紅名既人
個陣都玩得幾開心 放學返到屋企 係咁駁3line 駁到電話有六七個人
岩岩夠組一隊去馬洞p人 哈哈!~  回想起個陣係馬洞見弱者p見強者逃都不知幾過癮 重坐過兩次牢添= =!
過過兩次90日渡假= = 仲要組組下隊p緊人沒啦啦飛左入洞 哈哈!~
不過後來更新..沒得係馬洞p..就好似變得沒咁好玩囉 kakaka~
跟住後來成班fd又試過開組 仲試過比人滅組添~哈哈 當然最後唔係比人滅左 而係我地自己走左去壇組而已= =!~
不過其實玩書一都唔係勁又唔係話屎 落到壇都唔會比d高手秒啦咁(不過都應該不出兩招 kakaka)..
之後都唔記得點樣(丫..我記得啦 係比人鎖左仲試過一個就出冊 第二個入埋去既相= =就係第二個acc都比人鎖後沒多久便沒玩的 = =我剩係在書一先比人鎖過= =其後在玩俠4和遊龍也沒比人鎖的
成班fd沒玩到 去左玩diablo2 (題外話:事實上都試過幾次重玩金庸重玩d2 輪左幾次= =)
不過玩金庸最開心既都唔係在書一 畢竟跟那些高手有很大的距離和認識的人不太多吧.
最記得都只係個陣書一入邊個阿哥 ~~~!!! 漢右  !!!~~~~

                                                            二. 重玩金庸

最開心畢竟是在我玩俠4的時候 亦係玩金庸最耐個個伺服 亦識最多人
果陣成班fd重玩緊diablo2  有個fd話開新伺服 不如一齊玩返啦
但其實個陣已經開左俠4 個個fd都開左人 好似遲左差唔多一個月左右
個陣同d fd一齊入左 不醉無歸 <=個陣既壇組玩
後尾比個fd!!個個重要係同學黎 屈我唔知d咩 (都唔記得係咩= = 我都沒記住..)
搞到我比大包踢左出組(好似係消點搞到昏迷左叫佢黎help我點知p我
重要出招架囉 跟住重要屈我p同組 大概好似係咁= =!) 不過過去既 算啦 我都沒刻意記住8)
不過如果唔係因為佢 我都唔會去左另一個小小既組織
不過就係我玩金庸已來最開心既組織...
唔記得叫夢之域定乜野= = 天云係幫主 ~!!~~~~~~~
(ps:因為後尾好快開左個新既名!!!就係!!!!!! 醉夢紅塵 !!!!!!!!!我有份幫手開組既添 ~呵呵~)
亦如果唔係因為佢(指個個fd) 我就唔會識到尤利安 風中塵 不滅 ae111 希蕾 冰兒^^ 鐵忠......仲有條淫虫==!
等等既gd fd 仲成日同個fd同鐵忠傾電話添
補：我仲記得個陣同鐵忠傾電話教佢做碧玉髻個任務同幫佢打唔知李乜鬼添　佢個女係度喊緊= =
       重記得個陣兩日內幫真人fd同game fd 做碧玉髻個任務做左8次= =超多次 (包括做錯重做 唔包括自己)
        ps: 沒報酬架喎  所以話我幾好人同幾成日幫人呢 kakaka(讚緊自己-_-vv)

同埋係醉夢紅塵呢個組織渡過左一段咁開心既時間...好多組織時既笑料仍然依稀記得...
不過話事話 組織聚會未出過去-o-! 還記得初出自創門派 一脫 做過無門派第一第二= =!呵呵..
還有 下照片-.-....最重要...記得個陣最激烈同令人興奮既武林大會
個陣我記得最勁個次好似打到16強haha <-我都唔知係未架 不過輸左比佢個個第二埸就打左8強戰
我好記得 因為屋企部機個陣超慢 武大門大都係成班fd 出去網吧 打既
仲係網吧既盛期.. 我個fd <-指最勁個個 當時都好勁架..第一場對住個個本身win梗
點知打打下個 滑鼠係shortshort地 係咁自己向右走搞到佢無奈咁輸左
仲記得佢xyz個網吧老闆添 哈哈哈
跟住講我啦..第一場 不戰而勝.....第二場又係不戰而勝 到第三場終於有得打 點知....
個個人岩岩好比我一招ko左= =kakaka!~ 跟住第四場又係不戰而勝...
到第五場啦..終於要打場堅野..佢比我強 但係唔係超班 沒得打個隻..
一開始 我打仲左佢 有3千幾分 佢打唔仲我 跟住我地兩個分開左 係呢個時候 我個fd 係咁同我講
叫我冷靜 敵不動 我不動 因有分在手 點知我個陣已經緊張 佢仲要搞到我更加緊張= =! >﹏<!
打到我手都出冷汗 手都震埋..跟住...禁錯野 咁就比佢變左7千幾分 跟住我仲要比我個fd xyz我
跟住我就好唔冷靜咁亂咁黎 我個fd個陣簡直想搶左我個滑鼠黎打= = 就係咁我好唔冷靜地 那個對手變左4xxxx分
我得1xxxx分= =! 跟住我自己放棄左 廢事晒藥-.-!~就係咁同我打個個係之後個場就已經打8強戰@@~
當然 開心 趣事唔只咁小...不過都沒可能打晒出黎同埋記得晒啦..呵呵
其實我都好懷念過去就好似有d金庸小活動都幾好玩 幾開心 就好似聖誕節堆雪人比賽等等啦~都幾好架:D:D
就係咁個左一段長時間 ...又沒玩到金庸.
個陣好似沒錢玩= =同沒乜時間....最重要係我部機仍然好慢-.-.....慢到根本入壇等於入去企-.-!要成十幾秒先入到= =!

                                                             三.第二次重玩金庸

個陣成班fd又去左玩diablo2 因為又再次玩悶了..又開新伺服 遊龍 ~
呢個亦係我玩得最少時間既一個伺服.. 玩武當的記得...學太拳 呵呵~
因為俠4看到利安太強了>_<!~ 有什麼事情發生也不太記得 只記得不知何解香港人經常
和台灣人罵戰= =!在全頻... 還記得那時開始有系的出現也變得愈來愈不好玩...
還記得那時初出奇遇 第一次遇到打狗杖 走開了 回來剩下十秒 隋便選卻爆江了= =還吃了很多支金創藥..
第二次遇 野球拳...上鐵心看..怎料原來沒有固定答案 什麼事情也沒發生..
到了第三次..西毒杖法才成功了~~呵呵~當時還有很多人沒奇遇成功的說 呵呵~~~~
就是這樣練了西毒 沒多久...因系武防等等的更新覺得愈來愈不好玩 ..大不如前..
其實自創門派這更新我也是不太喜歡  ~~~   就這樣賣掉了帳號..
當然..我很開心在玩金庸時候的快樂和悲哀 快樂的有認識到一堆好網友..經常談笑
悲哀的也有 試過在生日前一晚掛機打點 豈想到第二天生日 起床竟然發覺比撿屍了...嗚嗚/_\:cry::cry:...
當然還記得一些有趣的gm..好似(忘記是那個伺服) 還記得有個人叫""x你老母個西西"" (x就是那個字吧...)
比gm轉名了 變成了   化你爸爸個北北 哈哈:D4
其實我都有一些已往的照片 可是就不懂弄上來= =!~
個人認為..很多遊戲是再更新更好玩...然而金庸則相反..它更新一次..就更不好玩....
個人認為... 還是已往沒有分系武防既金庸時代最好玩....
個人認為....玩金庸最開心的不是pk殺到人 打壇 武大門大..而是認識到一堆好朋友:)3:)3:)3:)3
總括而言..很懷念已往玩金庸的開心日子 當然也不曾忘記送了多少錢給網龍啦-______-!!~
                                                            <<完>>



多謝你成為第一位參加既會員,睇完你既過去,實在係好詳細,VERY GOOD,馬洞PK既日子而家唔會再出現,大概真係只有活在回憶既人先可以稔返起果段咁刺激既日子,+20分^^

[ Last edited by 珍惜眼前人88 on 2006-1-14 at 01:42 AM ]

陸奧八＋八

書劍1 陸奧八十八
冇咩回憶...但金庸俾到我一個好好的女朋友,大約玩左一年後相識,直到現在差不多4年了~
魔魔你知她是誰吧~o~v
金庸入面的回憶對我來講只係一個綠葉,亦只係上天安排給我認識 “她”的地方!!!
謝謝！！



好耐冇見喇,我都希望每一個人對金庸既得著係現實中既野而唔係game裡面既野,就算game裡面可以殺哂成server既人,都比唔上得到一個自己所愛既人,多謝分享,+20分:P]

[ Last edited by 魔女之條件 on 2005-12-30 at 09:06 PM ]

Teddy02002

我大約在中1時開始接觸金庸 , 我一直也只是在台灣server 鹿2 , 那時的確帶給我很多歡樂時光 , 由用船接個朋友出海 , 在島中放下他 , 而自己就回城 , 因為那時自己的電腦很慢 , 在攻城時 , 常覺得別人在用外掛 , 因為他們會在天空中出技 , 到自己有了外掛後 , 日日掛......但因為那兒太多外掛玩家 , 所以從沒有做過一次高手 , 只記得有次朋友開了一個新組織 , 那組織只有5個會員 , 而且只是很少人 , 但有一次攻城 , 只是帶著玩的心態去 , 竟入了城裹 , 本以為自己殺了獸時 , 發現原來是另有其人 , 的確有點兒失望 , 但出奇地 , 那小組織 , 而且高手不多 , 但可以連取2個城 , 當然因為沒錢 , 可以最後當然守不到 , 但那時的確很愛玩.......還記起自己還是新手時 , 跟一名男生結婚(那時是人妖=='') , 大家的媽媽也不想自己兒子上線太久 , 所以也在嘈著 , 很急的結了.....而且到場的朋友只有3名 , 禮完成後 , 2人立即落線 , 我的朋友當時大笑了 , 還有時用點卡月卡去跟別人換武器 , 之就便是自己造武器 ,裝備去換點和月......但因為朋友們開始對金庸覺得悶了 , 所以一同離開.........





以前我坐船出海經常著火和沉船,server裡一定有幾個好人做船夫載其它技術唔好既人出海^^而且用eq換月咭都係一個化算既玩遊戲方法,只要同朋友有開心既回憶已經夠嚕,謝謝分享+20^^

[ Last edited by 魔女之條件 on 2005-12-30 at 09:41 PM ]

書三小雷龍

書劍三　小雷龍

Li幾個月懶左寫字..
不過都寫少少啦~

我由金庸online第一日出就開始玩~
rpg版反而冇玩過
出o個陣係玩鹿鼎2..
玩到9月就移民
11月開始玩書3~
第一個入既組織就係　聖靈之都
係2000fun入面一位仁兄介紹我既~
佢當時都o係個個組
不過佢之後去番書1了~

聖靈..d組員全部都好nice的~
o個時幫主係周星馳
比較cool 但都好好人
識到個家姐..叫 韻琳
真係對我好好@@
o個時我真係...好低b 哈哈哈哈
聖靈會員仲有 我家姐老公 無悔
florachan
陳慧琳 張家輝 (退隱)
等等~以我記憶
flora 無悔 韻琳都好似係4階~
因為聖靈前身就係天武~
天武門 聽番其他人講 以前好巴閉呢~
之後我就靠佢地俾既eq 同錢生活...
之後佢地差唔多成組人冇玩
得番我同flora 仲玩緊

途中我識到一個叫『魂』既人．．
o個陣我地好fd~做咩都一齊咁
佢pk又係好勁..唔知同寡婆(下面有講..呵呵 因為Li一段係我臨尾補番的) 打會點呢~
不相伯仲@@

個組散了..我亦流落到了 新星堂~
對唔住..第一次個組名我唔記得了@@
但途中改過叫月之海~cccc
o係o個度 我識左好多朋友
有真心的
有普通的
當然亦有有需要先搵你的

最開頭..識到一個叫姑姑的
我o個陣仲以為佢係女仔..ccc
點知原來係男~
佢幫我好多 不過打點好鬼快
我o個陣又用緊intel celeron 6xx Mhz喎
激死!!
睇住班友溜冰..心裡滿不是味兒~.~""
不過唔緊要啦~
之後有一次我阿爸番左香港一個禮拜
我晚晚都通頂 o係21樓打點
可惜電腦關係..始終都唔夠佢快T.T
不過o個時真係又累 又開心呢


之後.......識到我人生中最好的朋友
佢叫做 細　亦係我叫既寡婆..哈哈哈哈
小風雷 李歷 等等 (突然唔記得之前d名添 死喇@@)
佢對我既好 真係我未見過..
什至本身唔多夠錢駛 都幫我我買住月咭先
佢對待朋友好真心..
雖然平時係惡d..呵呵
不過我知佢係為我好既
我個a/c 冇佢跟本唔會有人識
係佢令我a/c可以成為少主
冇佢 我夜晚冇得自練
冇佢 我唔識pk hotkey
冇佢 我唔會夠薑將個a/c去參加武大

現在 所有野都過去了
但友情的本質 卻永遠不會變
現在..與金庸離離合合的我已經真正的離開了
當然地 也與他比較生疏了
說真的 我也非常抱歉..
但現在也很難遇到他....

不過 我永遠也不會忘記寡婆你
其他的金庸朋友/戰友 也是！

排名不分先後：
寡婆　姑姑　季季　魂　劍痴　夠了　子健　風靈　明月　等等～
家姐　瀧女　裕　ｊｏｊｏ..
亦有曾經令當時未懂事既我尷尬一時的盈盈..哈哈
諗番起都覺低b~

---------------------------------

哈..估唔到打下打下打左咁多...
最後..
金庸Li隻game
令我識到好多好朋友
亦令我既學業衰到貼地

如果再次俾我揀....
呵呵^^



我識好多人都為左打機而令成績退步,但係起碼識過咁多好朋友都係值得既,你由第一日開始玩都應該玩左好耐喇,希望你同你既朋友可以每次玩game都一齊咁開心啦,多謝分享^^+20

[ Last edited by 魔女之條件 on 2005-12-31 at 09:21 PM ]

dorkho

本人 豬劍一 劍豬
金庸比左好多回憶我;有喜又有悲,亦另我睇到好多 人 真面目
我亦係 金庸內結識左好多 朋友..................當然金庸令我成為左 一個好成功嘅 奸商
令我搵好好多錢去再開新a/c...錢搵錢
不過最開心係我識左好多人生道理同朋友
希望大家 越來越 開心...快樂...[/b]


呢個game令你搵到錢同朋友已經係最大得著,奸唔奸商見人見智,用game既野去換月費好過自己買CC
多謝參與+20^^

[ Last edited by 魔女之條件 on 2006-1-1 at 01:23 PM ]

Ck~

Originally posted by 陸奧八＋八 at 2005-12-30 12:08 AM
書劍1 陸奧八十八
冇咩回憶...但金庸俾到我一個好好的女朋友,大約玩左一年後相識,直到現在差不多4年了~
魔魔你知她是誰吧~o~v
金庸入面的回憶對我來講只係一個綠葉,亦只係上天安排給我認識 “她”的地方!!!
謝 ...

8+8晒命x__________________x

jimmy2621

岩岩玩jy係第一隻咩都冇既金庸online0.0.....
周d fd係神3玩囉~個陣冇諗d改名個d野既.所以改左做TTCJIMMY=0=~~
個陣傻傻地係西夏出世.冇野做~行黎行去.....咩都唔識走左去耕田.....
耕左一陣覺得好悶....d野又唔知點賣(定係賣唔到= =?")所以都係冇錢的
著住d傳家之寶就行出城.接左個包包去大理.

之後就行啦~當我玩第一次時仲用緊P1-166,32ram@Q@......
我load load load.....load左幾分鐘.出左城^^"....遇怪.......load laod load.......
行行下去左全真......=0=o咀.....所以入左傳真.學左旲天掌.
仍然係load load 同load........
算了.....我放棄-,-""""......冇玩了.

過了冇幾耐.買左新電腦~仲未出神俠
所以用剩低d點玩番~今次快啦^^"~~~等幾秒就得.
之後就開左個人妖入09.當時梅手系數極極極低0.0......
仲未知道馬洞啊~個d野既...所以只係去09付近打羊羊@@...
之後多得我d fd~教我好多野~佢地叫"楊改之"~"軒然大波"~"莫仔"

之後我就自殺了入左古墓.叫"仁繪"
入古墓之後先發現派頻既用處....
因為09冇人講野-,-~反而古墓識左好多fd.好似 月女
亦開始因為人妖關係識左好多公-,-"""不過我都唔記得曬d名啦....
之後入左"龍族"....當時同"墓之戀"兩個係最大公會.

個陣應該9X銀索.之後d系數就越升越高了~~~~
之後玩到唔記得左幾時就冇玩了.

再玩番又自殺了~玩左個男的叫植物仁?
入左武當....只記得試過門比第6...^^"......
太拳60囉........當時黎講都幾勁ga la@Q@.......
呢d都係好好既回憶啊!!!!!!!!!!

今日....有d無聊@@....download緊新資料片陣間入神3睇下先




哈哈,我曾經都為過呢個GAME而換電腦架,我稔好多人都係咁,我近排都想DL個GAME入去睇下架,但係太大MB所以放棄左,多謝參與+20

[ Last edited by 魔女之條件 on 2006-1-6 at 10:43 PM ]

阿經

記得金庸一開sever我就玩~~

結果一開始比血刀既人p 死左幾次.....果時係死一次...all武功扣1lv~~

結果就無玩囉

之後好耐之後重玩~~

就日玩夜玩~~果時同朋友既話題差唔多都係金庸

又過左一排...又無玩勒~~

之後有次同朋友講起金庸~~諗下諗下~~

就決定左用外掛再戰江湖~~

結果又玩左半年~金庸最重要既~~就係令我知道有2000fun既存在~~





我稔你最大既得著就係知道2000FUN既存在,同我都係一樣,多謝參與^^+20

完

[ Last edited by 魔女之條件 on 2006-1-6 at 10:45 PM ]

細路米源

我玩金庸果陣都係中3o既事囉,我開始玩果陣係有個fd叫我去書一到同佢玩咁咪一齊玩囉
跟住比我個fd偷q左我ac,咁我就用真錢買左bobo個ac...嘍住就玩下玩下,就玩到唔玩囉
都係咁囉...唔知我講咩,唔好屌我....





講少少已經好好喇,我都見BOBO個AC以前轉過幾手,多謝你參與^^+20

[ Last edited by 魔女之條件 on 2006-1-6 at 10:46 PM ]

神3~~無極~~

第一次玩既時候乜都唔識,有個叫根本俊朗定唔知基本俊朗比左30萬新手費用我之後就打小混混升lv -.-
都唔係好記得
皇家十字軍呢個係我第一個入既組織,入面既人和藹可親,經常幫助組員,我入左去之後唔係好記得點解會做左4階 -.-
做左之後開始招人,最懷念既就係成大班人組夜既時候係客棧係咁打字招人,當然我都唔例外la,果陣仲學到登招牌咁宣傳 -.-
開始上軌道既時候就入左馬洞掛機打點 ....不能忘記既就係上線時間超過1000小時,竟然淨係識得華劍 -.-
淨係記得d任務好麻煩,成日要麻煩小丘,南宮無極,李清,7化...呀果d -.-
仲有劍屎 -.-
表達能力差,見諒 = =v






好多人一直想離開金庸但又離開唔到大多數都係因為一班同你一齊渡過每一日武俠生涯既好朋友好組員,直到而家好多人想玩返都唔係因為個game,講真個game係越改越差,唔係一班玩家既友誼,金庸真係冇咁耐命,多謝你既分享+20^^

[ Last edited by 魔女之條件 on 2006-1-7 at 08:57 PM ]

貓豬標

書一 mamame

記得係貓豬標使我玩jy,記得初頭成日比人p...高比仔,賊仔etc
jy識第2個人就係劍師...全部eq都佢送cc
我覺得貓豬標係金庸一個經典...貓豬標(劈)->祿怡(鎖)->睡魔(鎖)->小劍仙(鎖)->阿寶.(鎖)->mamame...
真係唔到你唔信,真係玩咩acc就鎖邊個......
最後mamame個acc貓豬標玩左2個月就無玩lu,最後我幫佢完成埋贏武大門大既心願影返張相send比佢就結束無玩lu...
最後想講...最有成功感唔係贏武大門大,而係一早放晒3隻92系1200系係地檔曬命cc
所以好多謝極嫂~3~


幫到朋友完成到心願係你對呢個game最大既滿足感,希望你個係你最美好既回憶,書一既激烈戰爭一定比起其他server精彩,多謝分享+20

[ Last edited by 魔女之條件 on 2006-1-9 at 10:35 PM ]

分手勿語仔

我0既回憶
我0既好圖
我0既奮鬥史
戰功戰績..朋友...喜怒哀樂...
生離死別...
都係曬出面我0既 post到
歡迎大家黎睇下同傾下計
http://www.2000fun.com/discuz/vi ... &extra=page%3D1




咁都比你稔到辦法宣傳你個post,高招高招,呵呵+20=.=

[ Last edited by 魔女之條件 on 2006-1-9 at 10:38 PM ]

卓山.

神三 卓山. 報到
我既金庸回憶.....
我係金庸識到好多好多FD~ 有大懶堂識既,有不滅刀門識既,有血刀門識既,有一齊打點識既......
我玩金庸,唔同階段有唔同既FD倍我成長-.-

我岩岩玩,入左大懶堂 識到 D場班霸,小雙兒,*飛飛*,包仔,小笨蛋,太陽王子,邪留丸王子,顯運樓保安,甜栗子,志狼軍師等等........真人識既有 無名刀客,叮嚀,玉滿,靈高等等........ E陣應該係最多FD,最開心既時候吧~

跟住有好多FD走左.....得返幾個FD倍住......冇耐我部機壞左,冇玩一排

到部機好返,就有另一班FD 有 新堂功太郎,山治,魔刀冷風,冷心心,江子瑜,毛毛^O^,魔刀~ ,禧禧,絕刀,夢痕,無名刀客,叮嚀,靈高,石玉秀,等等...........

之後因個人理由冇玩.........


金庸以前好多人玩,真係識到好多朋友,見你講得出咁多人名你果個時期一定玩得好開心喇^^多謝分享+20

[ Last edited by 魔女之條件 on 2006-1-13 at 01:14 PM ]

細佬-杰

我玩金庸都係因為人地叫我玩...

而且當時覺得Online Game好似好新鮮咁...

同埋...果時既我對武俠小說已經有d興趣..

咁講番啦...我部電腦係玩唔到...要用我老豆部玩= =...

而且又用緊56k...所以一個月先玩一次咁囉...

雖然我一個月一次...不過我都有買攻略...

第一個server好似係"書劍一"? 因為 d frd都係哂果到=__=

到之後...唔知咩事...我部機無啦啦又玩到@_@...

不過都係用緊 56k =__=..又係P2機...玩金庸都Lag死...而且又成日cut我..

好冇引..不過都係咁有興趣去做我既"女"大俠...

冇錯...當時既我係因為想入古墓...所以做女~~~

而且又溝左條"仔" XDDD"... 諗番起都有d驚~__~"""

之後俾佢知道我係仔之後= =我就好似del左個a/c再玩過XDDDD

重玩..入左血刀...叫 "終極火神"
(唔好笑...當時覺得好型..因為我果時得小6 = = )

轉轉下...轉左去"射鵰5"...台灣server黎..

我既金庸生涯就正式開始...

開頭我又叫"終極火神"XDDDDD...

又係入血刀..入左個組織...

哩個組織雖然唔係咩大組..不過真係好開心..

果個組叫 §名門望族§

個個都好似自己人咁...咩都玩得..

就係因為佢地我鐘意左同台灣人打機...""

而又學識左同台灣人溝通..

玩玩下...我轉左a/c...叫做 "全能之神"....

我又入番個組 " §名門望族§ "

當時因為我仲係新手...咩都唔識...所以佢地好睇我..

而且又識左好多人...我記得我都做過３階架XD"""

之後唔知咩事..D人開始係咁走...

最後無奈地我都走埋..之後就入左一個全SERVER最大既組織..

叫咩名就唔多記得喇= =...係果段時間...都識左好多人...

有台灣人..有馬來人..有香港人..

不過都最後我都係比個女仔踢左= =....因為我同佢鬥氣...
          (女仔真係唔可以得罪=____=""")

咁我俾人踢左出黎wo.....其實都好既..因為之後果個組...

咁我一俾人踢左出黎我就係公頻叫人收我...好快地有個組織收左我=___="""

我就見到有100人左右..咁都ok既...咁我就入啦...

一入到去...d人好nice..我都未打安安人地就同我講歡迎@_@""

我就知道...入哩個組...冇錯XD"

係個紅到stay耐左...有次組織放...全部人走哂去個大組XDDD

要靠人事先入到架...hahahaaa...

咁當然..完左就各自番屋企啦

之後又有次組織夜...我又入番果個最大個組...

咁我係到講野啦...無啦啦有人叫我..

原來係我阿哥??我叫佢大大既..

台灣人..就係100幾人個組織既阿頭...

之前我同佢都幾好傾架=]...

咁佢無啦啦叫我wo...佢話佢本身個a/c俾人塔左３個月...

大家都知咩事啦= =....

不過咁...佢又開番個組...

叫 §兵來將擋§

我當然做得佢"弟"...我就梗係幫佢手啦XDD

做開荒牛..唔好講笑...真係好掛住果D日子= =...

之後我開左個a/c...用2張月卡買既...

叫 "書克"...我當然就入番我"大大"個組啦

我立過唔少功勞架...我地最高峰做過十大組織...

有2個壇...守得住個壇都係因為我地同d 十大組織結盟...

守左1,2次....我"大大"話唔再守....係因為有個組叫 " 仙道門 "

太勁x_X....人唔係全server最多..不過d人最勁= =...

" 仙道門 "係個PK組...好多d勁人...大部份PK手都係哂果到...

我地d "正義"既組織成日都同佢地嘈...又打...

當然...我咁有義氣...都有去啦= =...

明知俾人秒都去XD..嘈又係..嘈佢地...係公頻大吵XD..

其實..都有開過個組織...係因為我"大大"冇講低咁走左幾日...

我開左個組叫 " §英皇集團§ "(白痴呢XD???)..一開左..係咁俾我D 香港仔FRD串= =...

到之後我有哂計劃去攻壇= =...諗住問我"大大"借人同借d錢...

點知= =...我拉左少少人去..我"大大"番左黎...佢知道左..

佢就係咁鬧我...我就真係放棄左個組...

之後第一時間叫人招番我番去 = =...

第二日我大大見到我問我...

大大 : "你幹嘛在這裡阿...?"

我      : "你不喜歡偶去拉你的人嘛...偶都讓給別人啦.."

大大 : ".............."

大大 : "昨天我的心情不好而已阿.."

(－０－！！！！！！.....)\

不過算啦..唉..話哂佢都係睇大我既..

咁之後又好開心咁過住d好似之前咁既日子...=]]....

有時出下海阿....周圍去咁

好景不常阿...我大大唔知點解無啦啦冇玩...定咩...

其實我當時玩緊"射鵰5"果時...轉過幾次server= ="

又玩過其他game..不過都係鐘意玩番金庸..

之後到遊龍1出左..server開左幾日我就去左開10幾包果d咩咩卡= =....

中左好多正野..不過第2日..俾人爆左a/c...我都好心淡...好似有金代既tim...

幾日後遊龍2就出..哩個真係全力打點..唔係好似之前咁...係到吹水唔打點= =...

開左server差唔多第4日...已經差唔多200萬...

我唔係24小時掛果d= =....已經好似係 "門派10大"

不過...第4日好似俾人塔左...唉...抵死喇...

心淡唔玩...





結束我2年幾既武俠生涯..退忍江湖~
                                   ~~~~收~~~皮~~~~

我唔知點解會打咁多...MOOD到掛..hahahaaa..不過金庸真係影響左我好多野




嘩,好強勁@@短短2年玩過幾個SERVER,不過比人鎖左好可惜,不過2年經歷咁多已經好厲害,多謝分享+20^^

[ Last edited by 魔女之條件 on 2006-1-13 at 01:19 PM ]

小deedee

第一次玩金庸係天龍5唔記得叫咩名,當時係我表哥叫我一齊玩,由於果陣f.1,未試過打字,更加唔知道有咩輸入法,唯有打d垃圾英文出黎,點知人地都係唔明,因為果個係台灣server,因為我表哥係天龍5有班同學玩,所以可以俾錢我,可惜,俾得果2000蚊,買幾支水都冇lu,後尾del左acc,過左大半個月玩返,我表哥幫我用d娃娃同佢fd換左武士服&軟劍,以當時決戰光明頂既物價來講.......已經係一等一既武器........月費就快完果時......我同個fd叫佢幫我變紅名,因為當時唔忍心殺人,覺得d人死左之後會好可憐,但又想型d......過左幾日我玩返,果陣4xlv華劍俾人追p到得返3x......之後我全頻唔知講左d咩野.......就俾個女acc既玩家鬧,雖然唔知佢係男定女,淨係覺得佢好可愛........原來我fd係幫我殺左佢=.="後尾我地做左朋友........但過左1日我就冇玩lu~~
另外一次就係神1......叫～吹雪丸～本來都唔算強.......入左潘朵拉個組織,佢好好人架~Q~佢e+都結左婚lu._." 我冇玩既原因之一:俾個叫HEI既人爆左acc,佢係我一位同學既fd黎既.........讀荔景天主教中學.........當時,唔知俾人踢左未haha~
之後過左書一玩左排........仲記得大野人佢係成家人玩,好搞笑~~我fd俾左隻acc我玩叫波記^o^玩左冇耐就冇玩lu.......又係因為俾人爆左,之後上過我fd隻acc玩,叫啊*j*......仲玩過下箭龍等等........之後都冇玩lu
最後就係玩神3叫↑Andyoha↓隻acc係我fd俾我,之後入左自創派覺得太屎del左,之後係神3都識左幾多朋友下,最記得就梗係我第一個老婆,佢叫小愛:)3,不過去左英國讀書,佢某個朋友仔接左手黎玩..所以離左婚......近排返左黎hk,15號又要飛.......有d唔捨得,佢現在成日串我><唔知係咪有人報串話我成日係game撩女仔,哈哈......玩到e+......
p.s:d acc冇人要>.<
我都為左金庸換過兩次機.....由唔知p幾.......換到p4 3.2可算是付出過下.......由於部機唔知點解狂斷線,所以只可以講到呢到,下次再有活動一定會support版主:D5


呵呵,多謝哂你既支持呀,由光明頂果個時期我覺得呢個GAME係最好玩既時候,以前係書一見過你但係唔知你原來玩過咁多個SERVER^^多謝你既支持,+20

[ Last edited by 魔女之條件 on 2006-1-13 at 01:11 PM ]

病毒仔

我仲記得果年係repeat f5之後既暑假...係unisoft度讀下short course, 有個同學介紹左金庸online比我, 我就去左試玩啦....(當時好似係岩岩開始公測)

一上網睇, 可能係因為電視效應, 對華山好有興趣, 跟住就打算去學左讀書識字5lv(忘了?)
我玩既第一個ser已經唔記得, 原因係玩左一陣子就無再玩, 比d同學拉左去書一玩, 一開頭既記憶唔深, 最記得係自己開左個組, 唔知點樣比果個叫"faifaihk"既人呃左成個組去...之後就入左去個細組"群揪家族", 但係隨住好多族員少玩, 我都開始停玩1-2個月, 到我玩返既時候, 發覺成個組已經變成一個空組, 之後因為某位朋友"聶傲天"既關係, 拉左我入當時既劍魂, 我記得果時我岩岩重玩返, 仲衝緊三仙80, 攻守壇對我黎講只係一件去"趁"下既事(哈~好似好衰咁), 係劍魂既短時間內, 完全無歸屬感, 最後就跟左華山師兄李傲笑轉左入當時既"【希望】", 的確, 當時第一樣野吸引我既係佢地果件壇披(+悟), 但係其實玩玩下, 已經唔覺唔覺對希望呢個組織有歸屬感, 仲記得當時既發仔對自己打字速度既自豪, 公安果個人妖姐姐look=.=" ...etc

雖然到左而家, 我估應該無咩人記得我, 什至可能連我入過希望都唔知, 但係的確金庸當年都陪左我成年

當年既id: Virus

賣左acc之後聽返人講好似話我個acc成日比人殺, haha~




【希望】雖然好多人係為左件+9悟披入去,但亦都係因為組員之中有好多好人,令到好多人對呢個組有感情,你個ac賣左之後就出左希望,其實都唔渣,發仔同公安都係【希望】既靈魂人物,冇玩我都會記得佢2個^^你玩既時間實在太短喇>.<多謝你既分享+20

[ Last edited by 魔女之條件 on 2006-1-14 at 09:03 PM ]

傻你傻

射5 龍王再現

被一個同學誤導左我去玩台灣SER
一開始傻下傻下咁打點消點(仲未有外掛)
一出外掛O個陣我就做左O的好開心GE 野
O的人一用外掛打點就P佢,P到佢下線.......咁就成日比人捉住黎P....
我就會用全SER PK最勁EQ---落跑鞋= =
之後右係傻下傻下咁打點.......
玩左3年終於有1000M實........
哈
最後O的FD全部都唔玩LU
咁我都無玩LU..........


雖然好簡短,但無疑你做得岩,以前人手打點時好憎d人用外掛黎掛點,雖然不至於想p cut佢,但有人p cut佢個心都有d涼,哈哈+20

[ Last edited by 魔女之條件 on 2006-1-16 at 10:59 PM ]

Ck~

三人行...竟剩下我一人獨行...



一同合作時風光....



兩個拍檔～陰天+阿聲



阿聲同刀王～雖然佢兩個成日鬥咀...e+無得鬥了



阿佬(唔洗多介紹)MAMAME[阿舜](梗係最幫我啦)
但係MAMAME都冇玩了...



花叔放棄時影低的...e+佢回歸左了:D




貼相都唔貼我作死你=.=下次記得寫多d野喇,多謝分享

[ Last edited by 魔女之條件 on 2006-1-18 at 09:57 PM ]

江雲456

書劍一  江雲456

初初見金庸ONLINE推出前(個時我係中一),我既性格成個傻仔咁(雖然我而家都係),見到我阿哥係度玩金庸ONLIN

E(個時我未玩),每日都見到我阿哥係度升級(打點),我完全覺得唔知咩黎....打點?????咩黎KA????打點黎做咩????

日日平時既時間,都見到我阿哥係金庸ONLINE度打點(個時仲未知咩黎),E個問號完全無理會度,同埋我一直無諗

過自己會玩埋一份,直至自己一年後(中二),阿哥因去外國讀書,我就開始繼承阿哥之位,開始接觸金庸ONLINE,但

一開始玩既係書劍二,但玩左幾日,就開另一個帳號去左書劍一(個時係用阿哥帳號玩書劍二),初初入到書劍一,

朋友一個都冇(個時唔係叫江雲456),只係認識書劍一既789,個時仲係街度走黎走去,由大理行去馬洞打點(個時

已經知道咩叫打點),個時馬洞係一個危險既地方,一個人唔係電腦睇住,轉頭返黎你已經死左!!!!!!個時玩都只過

唔少次,之後就結束金庸既世界。

直到中三個年,金代,伴侶(外掛)出現之後,我重入金庸書劍一既世界,再開另一帳號叫江雲456,本人性格開始改

變,直入武當派,用外掛黎打點,打點非常快,個時好開心,以為開始覺得自己將會好強(但係強唔過D老手= =)但無

神神被某人盜取ACC,令到我重玩金庸,我沒有放棄金庸

之後到了中四之年,朋友開始多,吹水既人愈黎愈多,(個時好似出左007-2),玩都覺得好開心,但又被盜取ACC,個時

我已經想放棄金庸,4個月後,已經又重回金庸,又再重玩金庸,重新開始,對好多好友都多加防範(對各好友SOR=

=)因唔想再發生E D事,直到有左007-2,LV再上升(個時我已經好落後= =),直到玩到而家,再認識唔少金庸朋友,之

後用左孤兒既各玩家之名黎作左篇文(請各有名玩家原諒),因心血來潮JA= =...

我玩左金庸1.0 ONLINE 3年幾,喜,怒,哀,樂,咩都會有,好多好友都已經冇玩,希望而家玩金庸既好友,朋友,玩家開

心地玩啦!!!!!



係我識既人入面都有d比人偷過ac,我覺得偷人ac果d白白糟蹋左人地既心血,不過書一既戰爭一定比其他server精彩,多謝分享+20^^

[ Last edited by 魔女之條件 on 2006-1-18 at 09:55 PM ]